Este “Espazo para a Igualdade” nace co obxectivo de achegar información e recursos actualizados permanentemente en materia de igualdade e feminismo.
Deste xeito dase cumprimento á medida 1.4 do III Plan Municipal de Igualdade que recolle “difundir os programas, servizos e recursos municipais sobre información, asesoramento e asistencia a mulleres”.
Os dous institutos de Tui súmanse á conmemoración do 25 de novembro, o Día Internacional contra a Violencia de Xénero.
Dende o IES San Paio elaboraron un Mapa das vítimas mortais (as xeografías do machismo asasino)
O salón de pleno da casa do concello de Tui acolleu o acto institucional co gallo do Día Internacional contra a violencia de xénero. Interviu o alcalde, Enrique Cabaleiro, e deu lectura ao manifestou a concelleira de Igualdade, Ana Mª Núñez.
Os concellos do Grupo de Desenvolvemento #EuRural sumámonos á loita contra a violencia de xénero. Hoxe máis que nunca loitemos por ‘Deixar o pasado atrás’.
Deixar o pasado atrás para comezar a ser a persoa que se quere ser. Iso foi o que supuxo para as participantes desta primeira edición do obradoiro de Eu Rural aqueles días nos que compartiron alegrías, bagoas, historias…. Agora os testemuños destas mulleres aparecen recollidos nun vídeo documental que se estreará este 25 de novembro, Día Internacional contra a Violencia de Xénero, de forma simultánea nas redes sociais de todos os concellos que integran o territorio do Grupo de Desenvolvemento Rural.
Con motivo do 25 de novembro, o Día Internacional contra a Violencia de Xénero o concello de Tui súmase un ano máis á campaña En Negro contra as Violencias
Dentro do programa de actividades co gallo do 25N, Día Internacional contra a Violencia de Xénero, o mércores, 25 de novembro, ás 18 h no Teatro Municipal proxectarase o filme “Tódalas mulleres que coñezo” de Xiana de Teixeiro, con posterior coloquio coa directora. A capacidade do teatro está limitada a 30 espectadores que deberán reservar gratuitamente a entrada en tui.gal. O coloquio poderá ser seguido a través de Zoom.
De forma previa no seguinte enlace as persoas que o desexen poderán visionar a película.
O mércores, 25 de novembro, Día Internacional contra a violencia de xénero, dentro das actividades organizadas polo Concello de Tui, vaise proxectar ás 18 h no Teatro Municipal de Tui a película "Tódalas mulleres que coñezo" de Xiana do Teixeiro
Tui súmase un ano máis á campaña En Negro contra as Violencias con motivo do 25 de novembro, o Día Internacional contra a Violencia de Xénero.
O Concello de Tui tomou a decisión de elaborar e aprobar o III Plan Municipal de Igualdade de Oportunidades entre Mulleres e Homes sendo consciente de que a pesar dos importantes avances legais e sociais, a desigualdade estrutural das mulleres precisa ser combatida mediante a implantación de políticas públicas que garantan visibilidade, recoñecemento, servizos e recursos.
O Concello de Tui está a elaborar o III Plan de Igualdade de Oportunidades entre Mulleres e Homes do Concello de Tui 2020-2023. A redacción deste documento está financiada pola Deputación de Pontevedra e o propio Concello de Tui.
Este Plan, promovido dende a concellería de Igualdade, ten coma obxectivo introducir a perspectiva de xénero na administración local, implicando a todas as áreas municipais no desenvolvemento de políticas, programas, estratexias e accións en materia de igualdade así como recoñecer social e institucionalmente a realidade das mulleres de Tui.
