As instalacións do CEIP de Pazos de Reis precisan unha solución urxente e firme que garantan unha educación de calidade e para poder dar cabida a todo o alumnado que solicita praza neste centro educativo. Con máis de 65 anos de antigüidade, o centro situado na Porteliña, precisa dende hai máis de 20 anos unha solución, que pese aos distintos proxectos existentes ao longo dos últimos anos aínda non se materializou.

Os valores e a crise do modelo de sociedade democrática serán os temas clave no II Congreso Internacional Eurocidade e Educación que durante dúas xornadas, venres 30 e sábado 31 de xaneiro, se vai celebrar na Eurocidade Tui-Valença.

Destacadas persoas expertas en educación a nivel nacional e internacional participarán neste congreso que o venres á tarde se celebrará no auditorio da Escola Superior de Ciencias Empresariais en Valença, e o sábado, tanto en horario de mañá coma de tarde, en Tui.  

O Concello de Tui aspira a ser recoñecida formalmente como Cidade Amiga da Infancia ao longo deste ano 2026. Este é un distintivo outorgado por UNICEF que recoñece o compromiso das administracións locais coa promoción, protección e participación da infancia e da adolescencias nas políticas municipais.

Este mediodía tivo lugar no salón de plenos da casa do concello de Tui a entrega dos premios do Concurso Escolar de debuxo da Postal de Nadal 2025 conmemorativa do 800 aniversario da Consagración da Catedral de Tui.

Un total de 308 alumnos e alumnas de centros educativos de Tui unirán as súas voces no II Certame de Coros Escolares que se celebra mañá xoves, 11 de decembro, ás 11.30 h no Teatro Municipal de Tui, dentro da programación “O Camiño do Nadal”.

Participarán os CEIP’s de Guillarei, Rebordáns, Nº1, Nº2, Randufe, Pazos de Reis e Caldelas.

A Aula CEMIT de Tui acollerá o luns 22 o martes 23 de decembro o Campamento Dixital da Fundación Cibervoluntarios en colaboración co Concelllo de Tui.  Celebrarase en horario de 9 a 14 h dirixido a nenos e nenas de 9 a 13 anos que nesta formación gratuíta poderán adquirir competencias dixitais básicas.

Con motivo do Día Mundial da Infancia, que se conmemora cada 20 de novembro, esta mañá no Espazo Sociocultural da r/Camilo José Cela o Concello de Tui celebrou un Pleno Infantil e Xuvenil, coa participación da meirande parte dos centros educativos do municipio.

Tui acollerá unha xornada formativa “Tecnoloxía, infancia e mocidade: ferramentas para familias” promovida pola Axencia para a Modernización Tecnolóxica de Galicia, Amtega, en colaboración co Colexio Profesional de Enxeñería Técnica en Informática de Galicia, CPETIG, e neste caso do Concello de Tui.  A cita  terá lugar o sábado 18 de outubro, de 11.30 a 13.30 h na aula CEMIT de Tui, no edificio Francisco Sánchez.  A de Tui é unha das catro aulas CEMIT galegas que acollen esta actividade.