A mellora da cualificación dos posibles traballadores a través de distintos cursos, cunha aposta pola clara pola formación e a orientación laboral que permita a súa inserción laboral son obxectivos claro na área de Emprego e Formación. Este labor centralízase por unha banda no Centro de Formación Ocupacional e por outra a través da Axente de Desenvolvemento Local.
Finalizado o prazo de alegacións a valoración de méritos do proceso de selección dunha praza de AXENTE DE DESENVOLVEMENTO LOCAL, laboral fixo, presentouse unha alegación, que foi resolta polo tribunal con data 28/06/2024, asignando as puntuacións definitivas, contra a mesma pode interporse recurso de alzada no prazo dun mes.
O Concello de Tui presentou ante a Dirección Xeral de Formación e Colocación da Consellería de Promoción do Emprego e da Igualdade a solicitude dun Programa Integrado de Emprego. O investimento previsto ascende a 247.191,01€. De ser concedido desenvolverase durante un ano, con inicio previsto en novembro, para mellorar a empregabilidade dun centenar de mulleres do municipio.
O Concello de Tui presentou á Consellería de Promoción do Emprego da Xunta de Galicia a solicitude dun obradoiro de emprego cunha duración de doce meses e un investimento previsto superior aos 700 mil euros. O obxectivo deste obradoiro será a recuperación da Senda Río Miño Areeiros-Penedo e formaría a vinte persoas coma alumnado-traballador en dúas especialidades Forestal e Madeira.
De ser concedido o Concello de Tui aportaría 183 mil euros e a Xunta de Galicia 526 mil euros.
O Concello de Tui, ten abertos dous procesos para o nomeamento interino dun operario de mantemento a tempo de un operario de servizos diversos a tempo parcial, vinculados o programa de execución temporal "Apertura das piscinas municipais tempada verán 2023". A data de realización do exame será o día 11/07/2023 as 09:00 horas exame do proceso do operario de servizos diversos a tempo parcial e as 10:00 horas o exame do proceso de operario de mantemento a tempo completo.
Cecilia Portela, María Cristina Alves, Javier Argüelles e Gema María Fernández son as catro persoas emprendedoras de Tui que participaron dende o mes de abril no primeiro coworking multisede da Deputación de Pontevedra e da Escola de Organización Industrial (EOI), que se desenvolveu en Tui, Vigo e Silleda.
Tui acollerá a partir do mes de outubro un curso de Auxiliar de Almacén con prácticas en empresas froito da colaboración entre o Concello de Tui e a Fundación Érguete-Integración dentro do Programa Emprego Inclusivo financiado pola Deputación de Pontevedra.
No día de hoxe leváronse a cabo as probas selectivas do do proceso de selección para o nomeamento interino dun operario de mantemento a tempo completo para as piscinas municipais e formación de lista de reserva, o tribunal publica as puntuacións provisionais de ditas probas, o aspirante dispón de 1 día hábil para presentar alegacións, transcorrido este prazo as puntuacións consideraránse provisionais (o prazo remata o mércores día 12/07/2023).
No día de hoxe leváronse a cabo as probas selectivas do do proceso de selección para nomeamento interino dun operario de servizos diversos e mantemento a tempo parcial para as piscinas municipais e formación de lista de reserva, o tribunal publica as puntuacións provisionais de ditas probas, os aspirantes dispoñen de 1 día hábil para presentar alegacións, transcorrido este prazo as puntuacións consideraránse provisionais (o prazo remata o mércores día 12/07/2023).
Por primeira vez en quince anos, o número de persoas desempregadas en Tui descendeu por baixo da barreira das 1000, segundo os datos correspondentes ao mes de maio de 2023. En concreto o paro situouse nas 989 persoas o mes pasado, diminuíndo en 98 persoas con respecto a abril. Esta notable redución no desemprego reflicte os esforzos continuos do Concello de Tui para mellorar a empregabilidade dos seus habitantes.
Realizadas as probas selectivas para a contratación de 10 persoas coma peóns de horticultura e xardinería para o Plan de prestación de servizos municipais 2023, o pasado martes día 30/05/2023 o tribunal publicou as puntuacións do proceso de selección.
Mediante Resolución da Concellaría de persoal en funcións de data 02/06/2023 se require os aspirantes para que presenten a documentación necesaria para a súa contratación., polo prazo de 2 días hábiles
