O anexo da Sala Municipal de Exposicións do Concello de Tui, acollerá mañá xoves, 3 de novembro, ás 12.30 h a inauguración da exposición fotográfica “Nun lugar calquera” sobre a trata de seres humanos que poderá visitarse até o día 15 de novembro.

A exposición está organizada por ACCEM, unha organización sen ánimo de lucro, apartidista e aconfesional que traballa para mellorar as condicións de vida das persoas en situación de vulnerabilidade. Conta coa colaboración do Concello de Tui a través das súas concellerías de Servizos Sociais e Cultura.

A danza volve a ser protagonista das citas de outono no Teatro Municipal de Tui. Este próximo venres ás 19.30h chega ‘Natanam’, da compañía Da. Te Danza. Nel, o baile é o punto de partida dun espectáculo no que dous intérpretes, dous amigos, se atopan nunha sala de xogos. Alí descobren que hai auga, lume, vento e terra ordeados e á súa entera disposición.

O próximo 15 de novembro o club de lectura Tempo de Mulleres retoma a súa actividade impulsado pola concellería de Igualdade en colaboración coa Biblioteca Municipal e dinamizado pola escritora tudense Conchi Regueiro.

Esta iniciativa vai dirixida a mulleres, ofertándose un máximo de 15 prazas. As persoas interesadas deben inscribirse no correo electrónico biblioteca@tui.gal ou no teléfono 617 498 103.

Con motivo do Día da Biblioteca, que se celebrou onte 24 de outubro, a Biblioteca Municipal de Tui recibe este días unha serie de visitas de grupos escolares para coñecer as súas instalacións e servizos.

Ao longo desta semana un total de nove grupos do Colexio Maristas Santa María de Tui visitan a Biblioteca tudense para achegarse ao funcionamento deste centro bibliotecario e coñecer os seus recursos tanto de acceso á cultura como á información.

Este venres 28 de outubro, ás 19.30 h, no Teatro Municipal de Tui haberá cita para público familiar cunha obra de teatro xestual da man de Tanxarina Títeres. A compañía representará o seu espectáculo ‘A cazola de Lola’, unha obra codirixida por Cándido Pazó.

Eduardo Cunha “Tatán”, Miguel Borines e Andrés Giráldez son os tres artistas que dan vida aos monicreques de Tanxarina, e son tamén eles os que subirán ao Teatro de Tui para achegar ao público a historia de Lola.

Até o 28 de outubro o anexo da Sala Municipal acolle a exposición “Misión Atalanta”. Reúne 43 imaxes seleccionadas do libro do mesmo título editado pola Subdirección Xeral de Publicacións e Patrimonio Cultural no ano 2013. A exposición ilustra o traballo realizado polas Forzas Armadas desde 2009 na loita por erradicar a pirataría en augas do Índico.

A Sala de Exposicións Municipal, no edificio Francisco Sánchez, acolle até o 20 de novembro a exposición «Castelao grafista (facsímile)». Chega á cidade man de Afundación, a Obra Social de ABANCA, en colaboración co Concello de Tui. 

«Castelao grafista (facsímile)» reúne facsímiles da Colección de Arte Afundación, debuxos do álbum Cousas da vida de Castelao, retratos fotográficos, caricaturas e debuxos e portadas de revistas.

Até o 16 de novembro está aberto o prazo para solicitar as bolsas de estudos para ensinanzas musicais do curso 2021/22. No BOPPO número 199 do pasado martes, 18 de outubro de 2022, publicouse extracto do acto do acordo do 7 de outubro de 2022 da Xunta de Goberno Local, pola que se convocan as bolsas e se aproba as Bases Particulares Reguladoras da convocatoria de Becas de Estudio para Ensinanzas Musicais no Conservatorio Profesional e na Escola de Música de Tui.