Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño. Exposicións, festivais de música e cine, feiras, … fan que a cultura teña en Tui un valor excepcional.
Mañá martes, 24 de maio, continúa na Biblioteca Municipal de Tui o programa de actividades “Tui en letras” que abrangue os meses de maio e xuño. Mañá martes, ás 18 h será a quenda de Dani Blanco co contacontos “Historias desde o outro lado da raia” dirixido a nenas e nenos de 3 a 8 anos. A entrada é libre ata completar a capacidade da sala.
O Concello de Tui retoma este sábado 21 de maio ás actividades previstas para o pasado martes, Día das Letras Galegas, coa celebración da feira do libro galego que chega neste ano a súa XXIII edición e que ocupará o céntrico Paseo da Corredoira coa participación das librarías tudenses, Iris e Nobel, que de nova retornar á rúa coas novidades editoriais en lingua galega que ocuparan ata doce stands. Aínda que fóra anunciado aprazamento para o domingo 22 as previsións meteorolóxicas aconsellan adiantar a celebración ao sábado onde está garantido unha climatoloxía favorable.
O sábado, 21 de maio, no Paseo da Corredoira vaise celebrar a XXIII Feira do Libro Galego.
Haberá 12 postos das librarías tudenses Espazo Lector Nobel e Iris.
Será inaugurada ás 11,30 horas pola escritora Sonia Mirón, autora de novelas especialmente dirixidas ao público xuvenil é licenciada en Filoloxía Hispánica e profesora de lingua e literatura no ensino medio e titora da Uned, xunto as súas obras literarios colabora como columnista na prensa e autora de reportaxes en diversos medios de comunicación.
Debido á previsión de choiva para mañá martes, 17 de maio, Día das Letras Galegas, as actividades previstas para celebrar esta data aprázanse para este domingo 22 de maio.
Así o domingo terá lugar a XXIII Feira do Libro Galego no Paseo da Corredoira coa participación das librarías tudenses, Espazo Lector Nobel e Iris, que volverán saír á rúa con once postos nos que presentarán as novidades editoriais en lingua galega.
Este mércores, 18 de maio, ás 18 h a Biblioteca Municipal de Tui acolle unha nova actividade do programa “Tui en letras” que promove a concellería de Cultura do Concello de Tui. Trátase do contacontos para bebés “Corochas” a cargo de Xarope Tulú.
A Aula da UNED, no antigo Convento de San Domingos, en pleno Camiño de Santiago, acollerá o sábado 21 e o domingo 22 deste mes de maio o Forum Peregrino organizado por Iacobus Tui Baixo Miño coa colaboración do Concello de Tui.
Este evento foi presentado onte ao mediodía polo alcalde de Tui, Enrique Cabaleiro, pola concelleira de Cultura e Ensino, Sonsoles Vicente, xunto a Juan José Sánchez, vicepresidente; Alfonso Ferreira, secretario e Jesús Carrera, vocal de Iacobus Tui -Baixo Miño.
Máis de 600 persoas teñen visitado ao longo das última semanas a mostra “Artistas Tudenses” que até o próximo luns, 16 de maio, está na Sala Municipal de Exposicións no edificio Francisco Sánchez.
A mostra, organizada pola concellería de Cultura do Concello de Tui, recolle unha escolma da obra dunha trintena de artistas tudenses nas diversas disciplinas artísticas.
Dende a súa inauguración, o pasado 16 de abril no inicio das festas patronais de San Telmo, esta mostra ten suscitado o interese da veciñanza.
Maña venres, 13 de maio, ás 13 h, na sala de reunións da casa do concello de Tui presentarase o Forum Peregrino. Esta actividade vaise celebrar na Aula da UNED, no antigo convento de San Domingos, o sábado 21 e o domingo 22 deste mes de maio organizada por Iacobus coa colaboración do Concello de Tui.
A presentación correrá a cargo do alcalde de Tui, Enrique Cabaleiro, da concelleira de Ensino e Cultura, Sonsoles Vicente, xunto a representantes da asociación Iacobus.
O músico afincado en Tui Pancho Álvarez está a ofrecer nos centros educativos tudenses o concerto didáctico “Cordas históricas” co patrocinio do Concello de Tui.
Mañá xoves, 12 de maio, ás 20 h a Biblioteca Municipal de Tui acollerá a presentación do novo libro do investigador tudense e cronista oficial da cidade Ernesto Iglesias Almeida, titulado “Dicionario de palabras galegas antigas, moitas delas en desuso, tomadas de documentos medievais”.
No acto contarase coa presenza do alcalde de Tui, Enrique Cabaleiro, e do historiador Xosé Manuel Suárez, xunto ao propio autor.
