Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño. Exposicións, festivais de música e cine, feiras, … fan que a cultura teña en Tui un valor excepcional.
Un centenar de alumnos e alumnas do Conservatorio Profesional de Música de Tui e da Escola de Música de Tui ofrecerán mañá xoves, 16 de decembro, ás 20 h o Concerto de Nadal no Teatro Municipal de Tui. Este evento forma parte da programación “Tui, o Camiño do Nadal” que organiza o Concello de Tui.
A postal presentada pola alumna de 6º curso de Educación Primaria do CEIP de Caldelas, Aitana Bernabeu Suárez, resultou gañadora do concurso de postal de Nadal 2021 convocado polo Concello de Tui para a elección da postal navideña que distribuirá o concello de tudense neste ano 2021.
"Tui, o Camiño do Nadal" volve a ser este ano o lema da programación e da decoración destas festas.
A Biblioteca Pública Municipal de Tu organiza, dentro da programación de Nadal do Concello de Tui, catro obradoiros dirixidos aos rapaces e rapazas con idades entre os 5 e os 12 anos de idade. Os interesados deben inscribirse previamente ben persoalmente na propia Biblioteca ou a través do correo electrónico: biblioteca@tui.gal.
En concreto os obradoiros ofertados son os seguintes:
Dentro da programación "Tui, o Camiño do Nadal" a Biblioteca municipal de Tui acollerá do 29 de decembro ao 4 de xaneiro obradoiros de Nadal para nenos e nenas de 5 a 12 anos. Para asistir é preciso inscrición previa en biblioteca@tui.gal.
A exposición de fotografías antigas “A nosa auga, a nosa terra, a nosa xente” amplía a súa presenza na Sala Municipal de Exposicións do Concello de Tui ata o vindeiro 8 de xaneiro. A mostra recolle unha escolma dos fondos gráficos do Balneario de Caldelas de Tui.
A luz vai ser a protagonista do concerto que este sábado, 11 de decembro, ás 20 h o coro Mistura Vocal vai ofrecer no Teatro Municipal. Baixo a dirección da tudense Aloia Martínez 35 cantoras e cantores achegaránnos “A Historia da Luz” a través dun variado repertorio que brindará un percorrido musical por distintas épocas e estilos.
A luz entendida coma metáfora do Nadal e coma inicio e comezo, personificada nunha muller irá conducindo o concerto a través das obras interpretadas, ao tempo ilustrará ao público sobre a súa personalidade.
O venres, 17 de decembro, ás 19 h, chega ao Paseo da Corredoira a gala musical "Un conto de Nadal" dentro dos musicais de 100 Anos de Verbena Galega.
La Oca Banda acompañada de 6 artistas convidados da verbena galega como a tudense Noelia Solleiro como anfitriona; Lito Garrido de Panorama; David Balboa excompoñente de Paris de Noia; Carlos Mariano de Suavecito; Marta Valiño excompoñente de Olympus, e Ruth Núñez finalista do programa da Tvg A Liga dos Extraordinarios.
A Banda de Música Popular de Tui ofercerá o Concerto de Fin de Ano no Teatro Municipal de Tui o xoves, 30 de decembro, ás 21.30 h.
A entrada é de balde pero é preciso realizar a reserva previa no seguinte enlace. Para acceder ao concerto é preciso a presentación de certificado covid de pauta de vacinación completa, de ter superado a enfermidade ou certiciado de proba diagnóstica negativa.
As tres corais tudense, a Coral do Centro Sociocomunitario, a coral Ponte da Febres e a coral San Telmo ofrecerán o xoves, 23 de decembro, ás 21.30 h no Teatro Municipal de Tui o seu concerto de Nadal.
A entrada é de balde pero é preciso reserva previa no seguinte enlace.
