Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño. Exposicións, festivais de música e cine, feiras, … fan que a cultura teña en Tui un valor excepcional.
Do 4 de maio ao 1 de xuño pódese visitar na Sala Municipal de Exposicións, no edificio Francisco Sánchez, a mostra “Donde Nunca Tuiyo” de Andrea Zermeno e David Quinteiro.
Estes dous novos artistas tudenses que ofrecen unha novidosa exposición que mestura fotografía, pintura e debuxos. “Donde nunca Tuiyo” é un proxecto de deformacións fotográficas.
A exposición abre en horario de luns a venres de 9 a 14 h e de 16 a 21 h e os sábados de 9 a 13 h.
A Biblioteca Municipal de Tui acolle mañá mércores, 3 de maio, ás 18 h unha actividade de contacontos a cargo de Raquel Queizás co seu espectáculo “O eco das pedras”. Esta actividade combina narración oral con manipulación de obxectos, monicreques e proxeccións. Está dirixida a público familiar e a nenas e nenos a partir de cinco anos.
Mañá xoves, 27 de abril, ás 19.15 h terá lugar na Biblioteca Municipal de Tui a sinatura do acordo de doazón da biblioteca de cine e doutras coleccións de Daniel Domínguez Pérez, o guionista tudense falecido no ano 2020, ao concello de Tui. O acto contará coa presenza do alcalde de Tui, Enrique Cabaleiro, e da viúva de Daniel Domínguez, María de los Ángeles García Domínguez.
Deste xeito a Biblioteca Municipal de Tui pasará a contar cunha sección especial integrada por preto de 2 mil obras especializadas en cine e con máis de 500 filmes en DVD.
Mañá xoves, 27 de abril, ás 20 h, na Sala Municipal de Exposicións no edificio Francisco Sánchez terá lugar a presentación do libro “Tierra de leyenda: el legado de Breogán” do escritor Samuel Ferro. Trátase dunha novela histórica cuxa trama esta centrada na nosa cidade e doutras localidades do Baixo Miño e sur da actual provincia de Pontevedra no ano 1351.
Play Doc, o Festival Internacional de Cinema de Tui, celebra do mércores 26 de abril, ao luns 1 de maio, a súa décimo novena edición baixo a organización da Asociación Cultural Enfoques.
Seis días nos que Tui volverá a acoller o mellor do cinema documental tanto a nivel nacional e internacional coma galego. O Teatro Municipal (Sala 1) e o Seminario Menor (Sala 2) acollerán as proxeccións previstas nestas xornadas.
O programa Tui en Letras promovido polo Concello de Tui recolle un total de 14 actividades nos meses de abril, maio e xuño para a a dinamización cultural e promoción da lingua galega e as letras.
Programa:
“Tui en Letras” é o nome do programa de dinamización cultural e promoción da lingua galega e as letras que terá lugar en Tui nos meses de abril, maio e xuño. Un total de catorce actividades conformarán este programa, impulsado pola Concellería de Cultura do Concello de Tui.
Dende o próximo mércores 26 de abril e até o luns 1 de maio celébrase a décimo novena edición de Play Doc, o Festival Internacional de Cinema de Tui que foi presentado esta mañá polo alcalde de Tui, Enrique Cabaleiro, o director da AGADIC, Jacobo Sutil, a deputada de Cultura e Igualdade, Victoria Alonso e o codirector do festival, Ángel Sánchez.
Mañá, venres, 21 de abril, ás 11 h terá lugar no Teatro Municipal de Tui a presentación da 19º edición do Festival Internacional de Cine de Tui, Play-Doc, que se vai celebrar do mércores 26 de abril ao luns 1 de maio.
Participarán na presentación o alcalde de Tui, Enrique Cabaleiro, o director da AGADIC, Jacobo Sutil, a deputada de Cultura e Igualdade, Victoria Alonso e o codirector do festival, Ángel Sánchez.
Mavi, a maleta viaxeira contra a violencia de xénero, está até finais de mes na Biblioteca Municipal de Tui. É unha iniciativa promovida pola Unidade contra a Violencia sobre a Muller da subdelegación do Goberno en Pontevedra que conta neste caso coa colaboración da concellería de Igualdade do Concello de Tui e da Biblioteca Pública Municipal.
