Tui conta cunha longa tradición industrial e comercial, cunha importante actividade dende inicios do século XX, marcada en boa parte polas relacións comerciais con Portugal. Na actualidade a cidade mantén esa tradición cunha presenza de comercios de diversos sectores, ao que se suma a existencia, no Parque Empresarial de Areas, dun centro comercial Outlet. Semanalmente, os xoves, celébrase un mercado nas rúas novas e no Paseo da Corredoira. Tamén o Mercado de Abastos rexistra unha importante actividade sendo os días prinicipais os xoves e os sábados.
Praza do Concello 1.
Teléfono: 986 60 36 25 ext
Atención os luns con cita previa que se debe solicitan o 634 64 06 98 ou no 663 63 05 69.
Dentro das relacións de consumo entre unha persoa consumidora ou usuaria cunha empresa poden producirse conflitos que poden dar lugar a que se produza unha reclamación ou unha denuncia.
Tui foi o punto escollido por 6.825 persoas para iniciar o percorrido do Camiño Portugués de Santiago entre xaneiro e xuño deste ano. Cada día os peregrinos, das máis diversas procedencias, percorren as rúas tudenses camiño de Compostela. Esta fin de semana a cidade celebra a III Festa do Peregrino organizada por ACITUI, a Asociación de Comerciantes e Industriais de Tui, coa colaboración do Concello de Tui.
Mañá venres, 29 de xuño, ás 11h na sala de reunións da casa do concello de Tui terá lugar a presentación da III Feira do Peregrino organizada por ACITUI, a Asociación de Comerciantes e Industriais de Tui, coa colaboración do Concello de Tui.
Participarán na presentación o alcalde, Carlos Vázquez Padín, os concelleiros de Comercio e Cultura, Yovana Velázquez e Eduardo Freiría, respectivamente, e o presidente de ACITUI, Juan Carlos Blanco.
O Concello de Tui vén de recadar 13.712 € no proceso de regularización do mercado semanal dos xoves levado a cabo nos últimos meses. Con esta actuación, iniciada no mes de febreiro, buscou que todos os vendedores ambulantes que acoden ao mercado que se celebra os xoves na cidade estean ao día no pago das correspondentes taxas. Para iso comunicóuselles a aqueles que tiñan pendente algún recibo a cantidade adebedada e déuselles un prazo de 30 días para facer efectivo o pago.
O sábado 5 e o domingo 6 de maio, de 12 a 22h, celébrase no conxunto histórico de Tui, na rúa Ordóñez e na praza de San Fernando a XXII Feira de Artesanía organizada polo Concello de Tui. Na mesma daranse cita 42 artesáns dos que 15 serán de Tui.
XXII Feira de Artesanía de Tui
O conxunto histórico de Tui será o escenario esta fin de semana, sábado 5 e domingo 6 de maio, da XXII Feira de Artesanía organizada polo Concello de Tui, a través da concellería de Comercio, coa colaboración da Asociación de Palilleiras do Baixo Miño e a Asociación Xuvenil e Cultural do Traxe de Tui. O obxectivo desta actividade, que conta cunha longa tradición na cidade, é apoiar a difusión e comercialización do produto artesán, ao tempo que se dinamiza o conxunto histórico da cidade e o centro comercial aberto.
Resumo boletíns oficiais do 26 de marzo ao 1 de abril de 2018
Até o venres 13 de abril está aberto o prazo de solicitude para participar na XXII Feira de Artesanía de Tui. A convocatoria vai dirixida a artesáns galegos con Carta de Artesán, ou doutras comunidades co carné acreditativo equivalente.
Ofértanse 70 postos de exposición e venda que se emprazarán na rúa Ordóñez, praza do Concello e Praza de San Fernando o sábado 5 e o domingo 6 de maio de 12 a 22h. Amais na praza de San Fernando participarán tamén a Asociación de Palilleiras do Baixo Miño e a Asociación de Bordado ao Aire.
Bases de participación e modelo de solicitude da XXII Feira de Artesanía de Tui que se vai celebrar en Tui o 5 e 6 de maio.
O goberno municipal de Tui, presidido por Carlos Vázquez Padín, está traballando para actualizar o mercado semanal que se celebra os xoves na cidade en varios ámbitos. Por unha dende mañá xoves dase un prazo dun mes aos vendedores ambulantes para pórse ao día no pago das taxas atrasadas. Precisamente mañá aqueles que teñan pendente de pago algún recibo recibirán unha notificación coa cantidade adebedada, que deberán facer efectica no prazo de 30 días, en caso contrario non poderán volver montar o seu posto no mercado.
