Hoxe vén de abrir o prazo para solicitar a participación na XXIV Feira de Artesanía que se vai celebrar do sábado 14 ao martes 17 de maio, na rúa Ordóñez, e nas prazas do Concello e San Fernando.

A Feira está organizada polo Concello de Tui, contado coa colaboración coa Asociación Galega de Artesáns. Tras o parón motivado pola pandemia, retómase esta tradicional cita coa artesanía, coa que se busca impulsar a promoción comercial do sector artesán galego e apoiar a divulgación da artesanía.

Balanzo positivo do I Encontro de Viños da Raia celebrado esta pasada fin de semana na praza da Inmaculada en Tui dentro da programación das Festas de San Telmo.

Centos de persoas achegáronse tanto o sábado coma o domingo a este evento que buscaba pór en valor os viños locais dunha e doutra beira da raia elaborados por pequenos produtores , con edicións limitadas, de xeito artesanal e con moito mimo, buscando a esencia da terra.   Grazas a este evento dez pequenos produtores puideron achegar e dar a coñecer os seus viños brancos, tintos e espumosos ao público.

Reivindicar o potencial dos viños elaborados dunha e doutra beira do Miño é o obxectivo do I Encontro de Viños da Raia que esta fin de semana se vai celebrar en Tui. Esta iniciativa, organizada polo Concello, é unha das novidades que incorpora este ano a programación das Festas de San Telmo.

O meixón é o protagonista gastronómico en Tui durante este mes de abril con motivo das Festas de San Telmo. Mañá mesmo, 8 de abril, comeza a Festa do Meixón, en cinco restaurantes tudenses que se sumaron á proposta do Concello de Tui para enxalzar este prato e ofrecer durante estas semanas este prezado produto.

Do 8 ao 25 deste mes de abril vaise celebrar en cinco restaurantes tudenses a Festa do Meixón. Este evento será presentado este xoves, 7 de abril, ás 11.30 h, no Claustro da Catedral.

Tui vai celebrar as Festas de San Telmo 2022 do 16 ao 25 deste mes de abril cun programa “ambicioso, moi completo e innovador”. Así o explicaba esta mañá o alcalde, Enrique Cabaleiro, na presentación dos festexos patronais, na que participaron tamén a concelleira de Cultura, Sonsoles Vicente, a concelleira de Comercio, Emprego, Formación e Igualdade, Ana Núñez, o concelleiro de Medio Rural e Deportes, Rafael Estévez, e o concelleiro de Seguridade e Persoal, José Ramón Magán.