Tui ten unha clara vocación turística. A súa situación e os seus recursos naturais e patrimoniais constitúen un valor en alza. O conxunto histórico, o Camiño Portugués, o Parque Natural do Monte Aloia, o río Miño, a ruta xudía, a Eurocidade...son os eixos principais desta área. O Turismo amosase cada vez máis coma un dos principais recursos cos que contará Tui no futuro. A promoción é xa un eixo fundamental no desenvolvemento dun sector, que lentamente vai creando traballo e oportunidades na cidade. Unha tarefa na que todos deberemos implicarnos, por suposto o Concello como xestor pero tamén as empresas e os profesionais do sector.
Mañá ás 11h, na sala de reunións do Concello de Tui serán presentas as actividades que se van celebrar en Tui no mes de setembro co gallo das XV Xornadas Europeas da Cultura Xudía.
A presentación correrá a cargo do alcalde, Enrique Cabaleiro, do concelleiro de Turismo, Laureano Alonso, e do historiador tudense, Suso Vila.
Mañá martes, 25 de xullo, comezan as visitas culturais á cidade histórica de Tui. Celebraranse de luns a venres ás 12h á cidade medieval, e ás 20h ao barrio xudío. Mentres os sábados, domingos e festivos terán lugar ás 20h cun percorrido pola cidade histórica.
Estas visitas organizadas polo Concello de Tui teñen carácter gratuíto e unha duración estimada de 60 minutos. O punto de partida é o Punto de Información Turística na praza da Inmaculada. Correrán a cargo do historiador tudense Suso Vila.
O Paseo da Corredoira de Tui acolle mañá martes, 25 de xullo, de 10 a 21h unha Feira Benéfica de Antigüidades, Coleccionismo, Vintage e Libro Usado organizada polo Concello de Tui coa colaboración de PPartmin Creativas.
Dende a Glorieta de Vigo até os soportais distribuiranse os 45 postos de anticuarios chegados de distintos puntos de Galicia, Portugal, Asturias, e un de Francia. Ao longo do día non faltará a animación musical e mesmo ás 20h está previsto un concerto de rock clásico.
Máis de 5 mil persoas pasaron pola Oficina Municipal de Turismo de Tui o pasado mes de xuño. Esta cifra case duplica a rexistrada no mesmo mes de 2016 cando se achegaran ata este servizo 2.684 persoas, e supera en máis de 2.800 as consultas recollidas en 2015. Só nos últimos tres meses, abril, maio e xuño, a oficina de turismo atendeu a máis de 16.300 persoas.
Esta é a última fin de semana da fase de proba do Plan de Peonalización do conxunto histórico de Tui que se puxo en marcha o 2 de xuño. Nesta primeira fase aplícase dende os venres ás 16h até os luns ás 8h. A peonalización pasará a ser definitiva a partir do venres 30 de xuño ás 16h, segundo avanzou a concelleira de Patrimonio, Carmen Núñez.
Dende mañá sábado 1 de xullo o Paseo da Corredoira, no tramo comprendido entre o cruzamento coa rúa Rosa Bahamonde e os soportais pasará a ser peonil dende o sábados ás 00h ata os domingos ás 23.59h durante os meses de xullo e agosto. Deste xeito na época estival búscase ofrecer aos cidadáns e visitantes un espazo de paseo, de convivencia, no que amais os nenos poderán xogar, e disfrutar ao aire libre.
Ata o mércores 5 de xullo está aberto o prazo de presentación de solicitudes para participar no proceso selectivo para a contratación laboral a tempo parcial dunha persoa coma Intérprete do Patrimonio Turístico. O contratado terá dunha duración máxima de 6 meses rematando coma máximo o 31 de decembro de 2017. As funcións a realizar son a promoción do patrimonio turístico, a difusión para a conservación do patrimonio turístico, histórico e natural; a planificación e deseño de roteiros do patrimonio, así coma a comunicación do significado do legado turístico, histórico e natural.
O Concello de Tui editou en marzo de 2017 un novo folleto turístico que recolle a oferta de lecer de turismo activo e de hospedaxe no municipio. Realízase unha tirada de 20 mil exemplares editados en tres idiomas:castelán, inglés e portugués. Está dispoñible na Oficina Municipal de Turismo e nos establecementos hostaleiros tudenses.
A concellería de Turismo do Concello de Tui organiza no verán de 2016 visitas guiadas gratuítas ao conxunto histórico. Teñen lugar de martes a venres ás 20h ao conxunto histórico, de martes a domingo ás 13h ao barrio xudío, e os sábados e domingos ás 20h á igrexa de San Domingos. O punto de encontro é a Praza do Concello.
Tui conta cun importante patrimonio vinculado á presenza na cidade de xudíos e conversos. A sinagoga, a casa de Salomón, a menorá na Catedral, ou os Sambenitos que se conservan no Museo Diocesano son parte da pegada deixada na cidade pola comunidade xudía. Unha ruta percorre parte deste patrimonio.
