Tui ten unha clara vocación turística. A súa situación e os seus recursos naturais e patrimoniais constitúen un valor en alza. O conxunto histórico, o Camiño Portugués, o Parque Natural do Monte Aloia, o río Miño, a ruta xudía, a Eurocidade...son os eixos principais desta área. O Turismo amosase cada vez máis coma un dos principais recursos cos que contará Tui no futuro. A promoción é xa un eixo fundamental no desenvolvemento dun sector, que lentamente vai creando traballo e oportunidades na cidade. Unha tarefa na que todos deberemos implicarnos, por suposto o Concello como xestor pero tamén as empresas e os profesionais do sector.
Tui conta cun importante patrimonio vinculado á presenza na cidade de xudíos e conversos. A sinagoga, a casa de Salomón, a menorá na Catedral, ou os Sambenitos que se conservan no Museo Diocesano son parte da pegada deixada na cidade pola comunidade xudía. Unha ruta percorre parte deste patrimonio.
O folleto turístico A Historia en Pedra recolle os principais atractivos turísticos do municipio de Tui.
As concellerías de Turismo, Cultura e Limpeza e Medio Rural do Concello de Tui convocan o presente Concurso de Pintura Mural 2016 coa finalidade de prestixiar e difundir a obra de artistas creadores de pintura mural, ademais de promover a súa creatividade.
O Concello de Tui asume por segundo ano consecutivo a organización das festas patronais da cidade nunha aposta por uns festexos cun marcado carácter popular, para vivir e desfrutar na rúa, que sexan espazo de encontro entre os tudenses e os visitantes e que ao tempo sexan un escaparate de todo o que Tui ofrece patrimonio, natureza, cultura, deporte... As actividades previstas conxugarán un programa festivo, a celebrar ao longo de dez días, no que haberá unha ampla oferta para todos os públicos.
Unha trintena de actividades de 18 modalidades deportivas conforman o programa que para este ano 2017 oferta a Eurocidade Tui Valença no ámbito deportivo. Estes eventos foron presentados esta mañá por parte do alcalde de Tui, Enrique Cabaleiro, o presidente da Cámara de Valença, Jorge Salgueiro, o director rexional do I.P. D. J, Instituto Português do Desporto e da Juventude, xunto aos concelleiro de Deportes de Tui, Laureano Alonso, e de Valença, José Monte, e o concelleiro da Eurocidade, Miguel Capón.
A Eurocidade Tui-Valença estudará a mellor figura para contar con personalidade xurídica propia. Unha das opcións baralladas é a constitución dunha AECT, Axencia Europea de Cooperación Territorial, pero poden existir outras alternativas.
