Tui ten unha clara vocación turística. A súa situación e os seus recursos naturais e patrimoniais constitúen un valor en alza. O conxunto histórico, o Camiño Portugués, o Parque Natural do Monte Aloia, o río Miño, a ruta xudía, a Eurocidade...son os eixos principais desta área. O Turismo amosase cada vez máis coma un dos principais recursos cos que contará Tui no futuro. A promoción é xa un eixo fundamental no desenvolvemento dun sector, que lentamente vai creando traballo e oportunidades na cidade. Unha tarefa na que todos deberemos implicarnos, por suposto o Concello como xestor pero tamén as empresas e os profesionais do sector.
Ao longo do mes de maio a Oficina Municipal de Turismo de Tui recibiu a 3.357 persoas das que 2.019 eran turistas e 1.338 eran peregrinos e peregrinas.
Esta cifra supón un incremento de 644 persoas con respecto ao mesmo período de 2022. O turismo é maioritariamente nacional, mentres que a orixe das persoas que realizan o Camiño Portugués é principalmente internacional.
Co obxectivo de dar resposta ao cada vez maior interese do visitante de Portugal pola ruta xudía de Tui, a Guía Turística da cidade, editada pola Red de Juderías de España, está xa dispoñibles en portugués.
A colección de guías turísticas ‘Rutas polas Xudarías de España’ recolle a historia, as tradicións, a gastronomía e a cultura orientada para que o viaxeiro poida descubrir todos os atractivos das 21 cidades que forman parte desta rede. Todas estas publicacións foron realizadas pola autora sefardí Alejandra Abulafia.
O Plan de Sostenibilidade Turística en Destino do Conxunto Histórico de Tui é dun dos 9 PSDT aprobados en Galicia polo Goberno.
A Oficina Municipal de Turismo do Concello de Tui atendeu durante o pasado mes de abril deste ano 2023 un total de 3.363 visitantes, o que supón un incremento do 17,8% con respecto aos datos do pasado.
No desglose de cifras, en total foron atendidos 2.319 turistas dos que 133 eran de procedencia internacional. Portugal encabeza esa listaxe con 47 visitantes o pasado mes de abril, seguida de Francia (13), Estados Unidos (12), Arxentina (10), Alemaña (8), México (7) e Cuba (6).
Un total de 229 peregrinos e peregrinas pasaron durante a fin de semana, entre o venres 31 de marzo e o domingo 2 de abril, pola Oficina Municipal de Turismo do Concello de Tui. Esta cifra supón un incremento do 12,5% con respecto aos números do pasado ano. Nestes días de inicio do período da Semana Santa achegáronse na procura de información a esta Oficina de Turismo tudense un total de 58 peregrinos e peregrinas internacionais procedentes de ata trece países de catro continentes.
Na tarde de onte tivo lugar unha nova sesión da Mesa do Camiño Portugués en Tui. Nela participaron o alcalde de Tui, Enrique Cabaleiro, a deputada provincial de Turismo, Ana Laura Iglesias, o director de Xestión do Xacobeo da Xunta de Galicia, Ildefonso de la Campa, así como representantes da hostalería, a restauración, as asociacións de amigos do Camiño de Santiago e da Igrexa.
Este xoves, 30 de marzo, ás 11 h no edificio da praza da Inmaculada terá lugar a presentación da Festa do Meixón 2023 que se vai celebrar do 1 ao 17 de abril en distintos establecementos tudenses.
A mesma correrá a cargo do alcalde de Tui, Enrique Cabaleiro, e da concelleira de Comercio e Mercado, Ana Núñez, xunto a persoas representantes dos restaurantes participantes na festa.
Ao longo do pasado mes de febreiro a Oficina do Peregrino da Catedral de Santiago de Compostela entregou un total de 779 ‘Compostelas’ a peregrinos e peregrinas que realizaron o Camiño Portugués. Estes datos baten os rexistros de peregrinos de calquera outro ano, cun incremento do 36% respecto aos 571 peregrinos do pasado ano 2022 ou do 60% en relación aos 478 peregrinos do Camiño Portugués en febreiro de 2019.
O grupo “Camiño Portugués. Tui” na rede social Facebook, promovida polo concello de Tui en xullo de 2020, acadou hai uns días a cifra de 5.500 seguidores, un dato que revela o éxito desta iniciativa de promoción da cidade tudense como a porta de entrada dos Camiños Portugueses en Galicia. Este grupo naceu co obxectivo de cubrir unha das eivas que se detectaban na promoción da ruta xacobea ao seu paso pola cidade e a súa escasa presenza nas redes sociais, especialmente en Facebook, xa que esta rede é a máis empregada no ámbito da peregrinación.
O Concello de Tui recibiu unha achega da Deputación de Pontevedra para financiar os custos da dotación de persoal para a realización de tarefas de información na Oficina Municipal de Turismo adherida á Rede de Oficinas de Turismo Info Rías Baixas.
A Oficina Municipal de Turismo, está situada dende o mes de febreiro de 2022, no céntrico Paseo da Corredoira. Contan cunhas instalacións amplas e modernas para atención de visitantes, turistas e peregrinos. O seu horario de atención ao público é de luns a domingo de 9 a 14 h e de 16 a 19 h.
