Pronóstico de Tutiempo.net
Facebook Twitter Vimeo Instagram Youtube

A condición fronteiriza do municipio fixo que de sempre as cuestións relativas á seguridade  tiveran gran importancia en Tui. Distintos corpos de seguridade teñen presenza na cidade,  comezando naturalmente pola Policía Local, que se encarga da seguridade e do tráfico en Tui, amais de facer cumprir as ordenanzas municipais, é, por suposto, o corpo policial máis cercano aos cidadáns.

A Policía Local de Tui inicia hoxe xoves unha campaña especial de control da zona azul

Undefined

A Policía Local de Tui iniciará hoxe xoves unha campaña de especial atención na zona azul do municipio. Deste xeito búscase garantir a rotación nos vehículos estacionados nestas zonas de aparcamento gratuíto limitado no tempo ante a gran demanda que se produce nos meses de verán.

A Policía Local de Tui detecta numerosos vehículos sen seguro obrigatorio ou sen pasar a ITV

Undefined

A Policía Local de Tui coordinou, entre os meses de xaneiro e xuño, controis policiais de Seguridade Cidadá e Tráfico, organizados en diferentes puntos do centro urbano do municipio. Organizáronse en Tui diferentes dispositivos co obxectivo de comprobar o adecuado mantemento de vehículos, motocicletas e ciclomotores, e que os mesmos se atopen en posesión de toda a documentación obrigatoria necesaria para poder circular, prestando especial atención ao Seguro Obrigatorio de Automóbiles (SOA) e a Inspección Técnica de Vehículos (ITV).

A Policía Local conta un vehículo eléctrico financiado cunha achega do Fondo de Compensación Ambiental da Xunta

Undefined

O alcalde de Tui, Enrique  Cabaleiro, recibiu esta mañá na casa do concello á directora xeral de Administración Local, Natalia Prieto, xunto ao membros da corporación municipal de Tui. O obxecto da visita foi comprobar o funcionamento do vehículo eléctrico, un Hyundai Kona, adquirido polo concello de Tui grazas á achega de 38.349,74 deste departamento autonómico.   O investimento realizado inclúe tanto o importe da adquisición do vehículo coma a instalación dun punto de recarga na nave municipal en Guillarei.

A Agrupación de Voluntarios de Protección Civil de Tui ten en marcha unha campaña de captación de voluntarios

Undefined

A Agrupación de Voluntarios de Protección Civil de Tui necesita máis voluntarios para continuar co seu labor altruísta. Para iso ten en marcha unha campaña de captación de voluntarios, xa que na actualidade e tras unha actualización da lista de persoas pertencentes a este colectivo, contan só con 12 voluntarios/as en activo. O obxectivo é captar novos integrantes voluntarios e así poder formar un retén que serva de apio, axuda e colaboración en situacións de emerxencias a bombeiros, sanitarios, policía, … durante as 24 horas.

O Concello de Tui está a realizar labores de mantemento e conservación no Paseo Fluvial

Undefined

O Concello de Tui está a executar estes días labores de mantemento e conservación no Paseo Fluvial e nas súas proximidades.

Por unha banda estanse a revisar, reparar e conservar os elementos dos dous parques infantís situados no Paseo, un nas proximidades das escaleiras de subida á praza da Estrela, e outro no Penedo.  Tamén se realizan labores de reparación e conservación nos biosaudables.

Ás 00 h entran en vigor as novas medidas de máxima restrición

Undefined

Ás 00 h do venres, 15 de xaneiro de 2021, entrarán en vigor as novas medidas establecidas pola Xunta para facer fronte a actual situación epidemiolóxica.

Tui é un dos 60 concellos galegos nos que estarán vixentes as máximas restricións. Así se recolle no DOG  Núm. 7-Bis, do mércores, 13 de xaneiro de 2021.

Protección Civil de Tui prestou en 2020 un total de 1.969 horas de servizo

Undefined

A Agrupación de Voluntarios de Protección Civil de Tui realizou ao longo de 2020 un total de 1.969 horas de servizo. En concreto prestaron 387 servizos dos que 295 foron requiridos polo 112, o concello, a Garda Civil, a Policía Local ou particulares.

Un total de 93 servizos estiveron relacionados coa COVID19, con labores de desinfección de contedores, reparto de máscaras, adquisición de alimentos, menciñas, distribución de cadernos ou ordenadores,… así coma a colaboración co Concello e con SOS Tomiño Baixo Miño.

Cortes puntuais na circulación na rúa Colón por obras

Undefined

Mañá xoves e o venres realizaranse cortes puntuais na rúa Colón de Tui debido ás obras de humanización que se están a realizar ao abeiro do Plan Concello.

En concreto nas próximas xornadas debido á instalación de canalizacións e á necesidade de cruzamento da calzada con tubaxes será preciso en momentos puntuais cortar o tráfico rodado neste vial. Por este motivo recoméndase empregar vías alternativas á rúa Colón, xa se poden producir retencións.

Páxinas

Subscribirse a RSS - Seguridade