Tui e Valença constitúen dende febreiro de 2012 unha Eurocidade, nun proceso que deu oficialidade formal á relación entre as poboacións dende antano. A interacción entre as dúas cidades e a colaboración entre as súas xentes son exemplo de cooperación transfronteiriza. Os dous municipios levan a cabo actividades conxuntas de promoción turística, así coma no eido deportivo e cultural. Desta unión nacerán nun futuro, con toda seguridade, proxectos e camiños que tudenses e valençianos percorrerán xuntos.
O domingo 18 de marzo ten lugar o Trilho Sabores da Lamprea,que abre o calendario de andainas da Eurocidade Tui-Valença de 2018.
Sairá ás 10 hora española da igrexa de são Pedro da Torre.Consta dun percorrido de 7 quilómetros de dificultade básica e unha duración aproximada de 2 horas e 30 minutos.
A Eurocidade Tui-Valença estudará a solicitude de subvencións para poder converter a Tui e a Valença nunha Smart City logo da presenza de técnicos das dúas cidades a pasada semana en Barcelona no World Congress Mobile.
Para o Concello de Tui asumir en solitario o investimento preciso para a modernización dos servizos que presta sería inviable economicamente polo seu tamaño polo que a aposta sería a asociación con municipios limítrofes, inclinándose por esa alianza con Valença dentro da Eurocidade.
Este sábado, 17 de febreiro, ás 12.00 horas españolas, no Campo Municipal de Fútbol “Álvarez Durán” de Tui, disputarase o terceiro torneo de fútbol veterano Eurocidade, onde se porá en xogo a Taça San Teotonio.
Neste encontro enfrontaranse os equipos de categoría veterano do Tyde F.C. e do S.C. Valenciano, no que se pretende reunir nunha xornada lúdico deportiva, aos antigos xogadores de ambos clubs.
O partido de volta celebrarase nas Festas de San Telmo, disputándose o encontro no Estadio Dr. Lourenço Raimundo de Valença.
O Campo Municipal de Fútbol “Álvarez Durán” de Tui, acolle o sábado, 17 de febreiro, ás 12h o III Torneo de fútbol veterano Eurocidade, onde se porá en xogo a Taça San Teotonio. Enfrontaranse os equipos de categoría veterano do Tyde F.C. e do S.C. Valenciano, no que se pretende reunir nunha xornada lúdico deportiva, aos antigos xogadores de ambos clubes. O partido de volta se celebrará nas Festas de San Telmo, disputándose o encontro no Estadio Dr. Lourenço Raimundo de Valença.
A Eurocidade Tui-Valença ten todo preparado para recibir este venres, 5 de xaneiro, aos Reis Magos de Oriente que protagonizarán un ano máis a Cabalgata Internacional entre os dous municipios de dous países nunha comitiva formada por máis de 150 persoas.
A saída está prevista ás 17 hora española dende o Albergue de Peregrinos de San Teotonio en Valença, onde se iniciará o percorrido de 3,5 quilómetros, que rematará dúas horas despois, ás 19 h, no Paseo da Corredoira en Tui fronte ao Seminario Menor.
Esta mañá na sala de concelleiros de Tui tivo lugar a presentación do IV Trofeo de Baile Deportivo Eurocidade. Este evento celebrarase o domingo 26 de novembro, no pavillón municipal de Valença, e co mesmo pecharase o Calendario de Actividades Deportivas da Eurocidade 2017.
A presentación correu a cargo do alcalde de Tui, Carlos Vázquez Padín, do concelleiro de Deportes de Tui, Andrés Urseira, do vereador de Desporto de Valença, José Monte, así como do responsable do evento, Miguel Abreu.
O 10 de febreiro de 2012 tivo lugar a sinatura do convenio de cooperación para a creación da Eurocidade Tui-Valença. Foi asinado por Moisés Rodríguez, alcalde de Tui, e por Jorge Salgueiro Mendes, presidente da Cámara de Valença.
A continuación recóllense distintos enlace de interese de institucións vinculados á Eurocidade Tui-Valença, dende a propia Cámara de Valença até outras entidades e asociacións que realizan o seu traballo no ámbito transfronteirizo.
Este venres, 17 de novembro, ás 11.00 horas, na sala de concelleiros de Tui, terá lugar a presentación do IV Trofeo de Baile Deportivo Eurocidade. Este evento celebrarase o domingo 26 de novembro, no pavillón municipal de Valença, co mesmo pecharase o Calendario de Actividades Deportivas da Eurocidade 2017.
A presentación deste venres correrá a cargo do alcalde de Tui, Carlos Vázquez Padín, do concelleiro de Deportes de Tu, Andrés Urseira, do vereador de Desporto de Valença, José Monte, así como do responsable do evento, Miguel Abreu.
A Eurocidade Tui-Valença acolle esta fin de semana unha reunión da Federación de Academias de Gastronomía dos Camiños de Santiago. A primeira cita do programa previsto terá lugar ás 16h no Parador Nacional de Turismo San Telmo de Tui cunha reunión para admitir coma membro da Federación á Academia de Gastronomía Portuguesa do Camiño de Santiago. Con esta incorporación pasan a ser unha federación de carácter internacional, tendo amais solicitudes de academias francesas e italianas.
