A mellora da cualificación dos posibles traballadores a través de distintos cursos, cunha aposta pola clara pola formación e a orientación laboral que permita a súa inserción laboral son obxectivos claro na área de Emprego e Formación. Este labor centralízase por unha banda no Centro de Formación Ocupacional e por outra a través da Axente de Desenvolvemento Local.
O Concello de Tui, ten aberto o proceso selectivo para dúas prazas de administrativo (funcionario de carreira), publicándose as bases xerais e específicas, contra as cales presentouse recurso de reposición e, posteriormente publicouse a resolución resolvendo dito recurso.
O Concello de Tui, ten aberto o proceso selectivo para dúas prazas de auxiliar administrativo (funcionario de carreira), unha delas reservada a persoas que acrediten discapacidade, publicándose as bases xerais e específicas, contra as cales presentouse recurso de reposición e, posteriormente publicouse a resolución resolvendo dito recurso.
O Concello de Tui, ten aberto o proceso selectivo para unha praza de operario de limpeza (funcionario de carreira), publicándose as bases xerais e específicas, contra as cales presentouse recurso de reposición, e posteriormente publicouse a resolución resolvendo dito recurso.
Mediante publicación do anuncio no BOE de data 30/05/2025, iníciase o prazo de presentación de instancias de 20 días hábiles a partir do día seguinte á publicación do mesmo, e que por tanto, comprenderá o período dende o 02/06/2025 e ata o 27/06/2025.
O Concello de Tui, ten aberto o proceso selectivo para unha praza de operario de obras (funcionario de carreira), publicándose as bases xerais e específicas, contra as cales presentouse recurso de reposición, e posteriormente publicouse a resolución resolvendo dito recurso.
Mediante publicación do anuncio no BOE de data 30/05/2025, iníciase o prazo de presentación de instancias de 20 días hábiles a partir do día seguinte á publicación do mesmo, e que por tanto, comprenderá o período dende o 02/06/2025 e ata o 27/06/2025.
O Concello de Tui rexistrou no mes de agosto unha cifra histórica no nivel desemprego acadando o dato máis baixo da última década. Así pasou do 28,64% en 2014 ao 11,99% en 2024. Segundo os últimos datos, referidos ao mes de agosto, en Tui están inscritas nos servizos públicos de emprego 963 persoas.
A concelleira de Formación e Emprego, Ana Núñez, amosa a súa satisfacción por este notable descenso do desemprego no municipio, destacando o bo resultado das políticas activas de emprego que se están impulsando dende o Concello.
Este venres, 27 de setembro, celebrarase na Aula Cemit no edifico Francisco Sánchez a formación “Emprega IA. Marca persoal e Intelixencia Artificial para o crecemento profesional das mulleres”.
Esta xornada formativa desenvolverase en horario de 9.30 a 13.30 h impartida por profesionais de Kidcode.
No BOPPO de 22/01/2025 publicouse a lista provisional de admitidos e excluídos, nomeamento do tribunal e o prazo de alegacións para o proceso selectivo dunha praza de oficial de policía local, por promoción interna pertencente á OEP do ano 2021. Concédese un prazo de 10 días hábiles para a presentación de alegacións, dende o día 23/01/25 e ata o 05/02/25, ámbolos dous incluídos.
Finalizado o prazo de alegacións do proceso selectivo para a contratación de 5 peóns de horticultura e xardinería vinculados o "Plan de prestación de servizos municipais 2024", mediante Resolución da Alcaldía de data 11/06/2024 se lles require os aspirantes a documentación necesaria para contratar dispondo dun prazo de de 2 días hábiles, prazo que remata o vindeiro xoves día 13/06/2024.
Entre xuño e novembro o Concello de Tui vai impartir un curso de “Dixitalización Aplicada”. Haberá seis quendas cunha duración de 30 horas lectivas cada quenda.
O Centro Municipal de Formación do Concello de Tui, en Guillarei, vai acoller un curso de "Dixitalización Aplicada". Haberá varias quendas, en horario de mañá e tarde, entre os meses de xuño e novembro. As clases serán de luns a venres de 9.30 a 13.30 h para os grupos de mañá, e de 16 a 19 h para os da quenda de tarde.
Ao longo de 30 horas lectivas as persoas participantes aprenderán Tecnoloxías Habilitadoras Dixitais, Información e Alfabetización Dixital, Comunicación e Colaboración en liña. Creación de Contidos Dixitais, Seguridade na rede, e Resolución de Problemas.
