O deporte é un dos grandes valores que Tui posúe. O municipio conta con máis de 40 clubs deportivos pertencentes a máis dunha véntena de modalidades deportivas.
Dende os populares fútbol, baloncesto ou balonmán, pasando por tenis, atletismo, judo ou patinaxe, por nomear só algúns, xa que a lista completa sería longa en exceso. Pero si en algo brilla Tui no eido deportivo é sen lugar a dúbidas nos deportes de río: piragüismo e remo. A cidade conta con deportistas olímpicos, campións do Mundo, de Europa e de España en distintas modalidades que conforman un longo inventario de deportistas dos clubs locais que chegaron ao máis alto. Algo inusual e practicamente único que fai de Tui un exemplo a seguir na promoción do deporte tanto de elite coma de base.
As piscinas municipais e o parque infantil de Caldelas foron obxecto esta fin de semana de actos vandálicos que causaron distintos desperfectos nas instalacións municipais. O custe dos danos xerados está a ser avaliado por técnicos municipais.
Este domingo, 30 de xullo, a cidade de Tui acollerá o Campionato de Galicia Máster de Ciclismo, unha importante cita organizada pola Federación Galega de Ciclismo e o Club Ciclista de la Fuente coa colaboración do Concello de Tui. O paseo da Corredoira será o lugar onde dará comezo a proba, con saída ás 10.30h. Despois dun percorrido con paso por zonas de Tomiño e O Rosal prevese que os participantes volvan a Tui para cruzar a meta sobre as 12.45h.
Hoxe mércores, 26 de xullo, ás 12.00 horas, no salón de plenos do Concello de Tui, terá lugar a presentación do Campionato Galego Máster de Ciclismo, organizado pola Federación Galega de Ciclismo e o Club Ciclista de la Fuente, coa colaboración do Concello de Tui. Disputarase este domingo 30 de xullo, dende o Paseo da Corredoira de Tui.
Dentro dun mes, o 21 de agosto, comezarán as obras de substitución do taboado de madeira no pantalán situado na rúa Olímpicos Tudense, a carón do Centro Interfederado e dos clubs locais de remo e piragüismo. Este traballos suporán un investimento de 20.611,07€.
O alcalde de Tui, Enrique Cabaleiro, e o concelleiro de Deportes, Laureano Alonso, presentaron esta mañá as obras a realizar acompañados por Manuel Penas de Alfer Metal, e José Luís García do Club Kaiak Tudense.
A segunda quenda dos campamentos de verán de Tui 2017 comezará o mércores 26 de xullo, a partir das 09.00 horas, no novo pavillón deportivo municipal de Tui, tras o remate da primeira quenda, na que participaron máis de cento cuarenta nenos e nenas.
Dado que aínda quedan prazas dispoñibles para esta segunda quenda, aquelas persoas interesadas en participar, terán que presentar no rexistro de entrada na secretaría do Concello de Tui a documentación solicitada, así como realizar o abono da taxa no departamento de tesourería, tendo de prazo ata o luns 24 de xullo, ás 14.00 horas.
Este sábado, 22 de xullo, celébrase a andaina nocturna de San Fins dentro do circuíto de Andainas Saudables da Eurocidade.
Ata o xoves 22 de xuño teñen os admitidos nalgunha das dúas quendas do Campamento Urbano de Verán para efectuar o pagamento dos 30,56€ correspondentes a cada quenda. Os participantes na primeira quenda deben estar o 10 de xullo ás 9h no pavillón municipal, e os da segunda quenda o 26 de xullo á 9h no mesmo pavillón. Este non haberá nin aula matinal nin de sobremesa. A recepción dos participantes farase cada día a partir das 8.45h.
A Concellería de Deportes do Concello de Tui realizará durante o mes de xullo e o mes de agosto os Campamentos de Verán Tui 2017. Estes campamentos van destinados aos nenos/as e mozos/as de Tui con idades comprendidas entre os 3 e os 12 anos (idades cumpridas antes do inicio do campamento). O desenrolo dos Campamentos de Verán levaranse a cabo co fin de ofrecer unha alternativa lúdica – deportiva - educativa aos nenos/as do concello.
Este sábado 15 de xullo, a partir das 18.00 horas, o Paseo da Corredoira de Tui acollerá o paso do X Rally das Donas de Vehículos Clásicos, evento de regularidade histórica no que so poden participar equipos femininos. Está organizado pola Escudería Vigo Clásicos.
A saída realizarase dende o Centro Comercial Gran Vía de Vigo, ás 17.00 horas, e todas as participantes realizarán unha parada no Paseo da Corredoira de Tui, para continuar logo ata o Club de Campo de Vigo, onde rematará o evento.
O sábado, 22 de xullo, as instalacións deportivas Álvarez Durán de Tui, acollerán o I Campus de Fútbol Americano e Fútbol Flag, impartido polos responsables do Club Vigo Guardians, en colaboración co Concello de Tui. O obxectivo é brindar unha xornada gratuíta de iniciación e coñecemento deste deporte.
O campus realizarase en horario de 10.00 a 13.00 horas e de 16.00 ata as 19.00 horas. Vai dirixido a xogadores dos dous sexos xa que o club dispón de sección feminina (actuais campioas galegas de Flag Football) e masculina, en idades a partir dos 14 anos, sen límite de idade.
