Facebook Twitter Vimeo Instagram Youtube

O deporte é un dos grandes valores que Tui posúe. O municipio conta con máis de 40 clubs deportivos pertencentes a máis dunha véntena de modalidades deportivas.

Dende os populares fútbol, baloncesto ou balonmán, pasando por tenis, atletismo, judo ou patinaxe, por nomear só algúns, xa que a lista completa sería longa en exceso. Pero si en algo brilla Tui no eido deportivo é sen lugar a dúbidas nos deportes de río: piragüismo e remo. A cidade conta con deportistas olímpicos, campións do Mundo, de Europa e de España en distintas modalidades que conforman un longo inventario de deportistas dos clubs locais que chegaron ao máis alto. Algo inusual e practicamente único que fai de Tui un exemplo a seguir na promoción do deporte tanto de elite coma de base.

VII Eurocidade BTT

O domingo 4 de marzo celebrarase a VII Eurocidade BTT. A saída será ás 9h dende a piscina municipal de Valença e a liña de meta estará situada na fortaleza valenciana. Haberá dous dous percorridos un de 42 km e outro de 74 km. O punto de corte estará no quilómetro 40 a onde deberá chegar coma moi tarde ás 12.30h os participantes que desexen realizar o percorrido longo.

A proba é libre de carácter non competitivo e será neutralizada até o km 10. A saída dos primeiros 500 ciclistas será por orden de inscrición.

VI Gala do Deporte Tudense 2017

O Teatro Municipal de Tui acollerá o venres, 23 de febreiro, ás 20.30h a VI Gala do Deporte Tudense na que se recoñecerá o traballo dos deportistas, clubs, entidades ao longo do ano 2017 coa entrega dos Premios Deporte Tudense 2017 ao deportista masculino e feminino, deportista masculino e feminino promesa, deportista masculino e feminino veterano, club deportivo, club deportivo na promoción do deporte base, adestrador, firma comercial, e entidade colaboradora do deporte. 

A Gala do Deporte Tudense 2017 terá lugar o venres 23 de febreiro, no Teatro Municipal de Tui

Undefined

Os Premios Deporte Tudense 2017 entregaranse na  sexta Gala do Deporte Tudense, que se realizará o venres 23 de febreiro, ás 20.30 horas, no Teatro Municipal de Tui.

Neste evento recoñecerase o traballo realizado polos distintos deportistas tudenses, nas distintas categorías establecidas polo xurado, deportista masculino e feminino, deportista masculino e feminino promesa, deportista masculino e feminino veterano, club deportivo e club deportivo na promoción do deporte base, adestrador, firma comercial e entidade colaboradora co deporte.

Mañá sábado celébrase en Tui a segunda proba do Circuíto Galego de Bádminton en Tui

Undefined

Mañá sábado, 10 de febreiro, o pavillón do IES San Paio de Tui, será sede da segunda das probas do Circuíto Galego de Bádminton que se celebran en Tui, organizada polo Club Bádminton Tui, en colaboración co Concello de Tui e a Federación Galega de Bádminton.

Segunda proba do Circuíto Galego de Bádminton sub 15 e absoluta

O pavillón do IES San Paio de Tui acolle o sábado, 10 de febreiro, dende ás 10h a segunda das probas do Circuíto Galego de Bádminton que se celebran en Tui. Nesta ocasión será para as categorías sub 15 e absoluta, e os xogadores e xogadoras participarán tanto en formato individual coma en mixto. A entrega dos trofeos para os gañadores de cada categoría está prevista ás 21h.

O Club Piragüismo Penedo organiza a II Copa Galega de Slalom Olímpico

Undefined

O Club Piragüismo Penedo, que acadou a vitoria na Taça Ibérica de Slalom celebrada en Covas (Portugal), a pasada fin de semana, organizará e participará na II Copa Galega de Slalom Olímpico, que se disputará este domingo, 4 de febreiro, no río Tea, a seu paso por Alxén, Salvaterra do Miño.

Un centenar de padeeiros de todo o territorio galego participarán nesta proba organizada polo club Penedo en colaboración coa Federación Galega de Piragüismo, e os concellos de Tui, Salceda de Caselas e Salvaterra do Miño.

O Club Xadrez Tui disputa a segunda xornada da División de Honra

Undefined

O Club Xadrez Tui, que na pasada tempada acadou o ascenso a División de Honra, competirá este sábado 3 de febreiro, na segunda xornada da liga, a partir das 17.00 horas, nas instalacións do Club Náutico San Telmo.

O equipo, que na primeira xornada acadou un contundente 5-1, contra o Club Círculo Chantadino Xadrez Dragan Paunovic, en Chantada (Lugo), tentará repetir triunfo ante o Club Círculo de las Artes, tamén de Lugo.

Páxinas

Subscribirse a RSS - Deportes