Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño. Exposicións, festivais de música e cine, feiras, … fan que a cultura teña en Tui un valor excepcional.
Dende hoxe e até o 23 de outubro pódese visitar na sala de exposicións do edificio da Área Panorámica unha mostra de cadros ao óleo e arte con teas. Trátase dunha mostra do traballo de María Luísa Crespo na parte de pintura e María Jesús Prieto na parte de traballos con tecidos ou patchwork que se pode visitar pola mañá de 10h a 14h e pola tarde de 16h a 20h.
Trompicallo Teatro será a compañía encargada de abrir este venres, 6 de outubro, no Teatro Municipal de Tui a programación de outono. Será ás 20h coa estrea da súa última montaxe “Planeta Ardora”. Trátase dun espectáculo, dirixido a público familiar a partir dos dous anos, no que a luz é a protagonista.
O próximo martes, 24 de outubro, celébrase o Día da Biblioteca, por este motivo a Biblioteca Pública Municipal de Tui acollerá un contacontos dirixido ao público infantil para conmemorar esta efeméride.
Co gallo da celebración o martes, 24 de outubro, do Día da Biblioteca, a Biblioteca Pública Municipal de Tui acollerá entre ás 17 h e ás 19.15 h un contacontos a cargo de Chirlomirlo. O Sombreireiro Tolo visita a Biblioteca tudense na busca de Alicia. Das súas máxicas mans irán aparecendo distintos personaxe do conto “Alicia no país das marabillas” de Lewis Carrol. O espectáculo combinará maxia, a construción dun libro máxico cos asistentes e mesmo dalgúns dos monicreques do conto.
As visitas guiadas gratuítas á cidade de Tui cambian o seu horario durante o mes de outubro e tamén a súa periodicidade. Dende mañá 1 de outubro pasarán a realizarse os venres, sábados e domingos ás 20.15h cun percorrido aproximado dunha hora polo barrio xudeu. Con estas visitas nocturnas búscase ofrecer outra imaxe da cidade apreciando aspectos que as veces pasan desapercibidos á luz do día.
O próximo luns, 2 de outubro, ás 11.30h no Teatro Municipal de Tui terá lugar a presentación da programación cultural a desenvolver no outono no Teatro Municipal de Tui.
Enderezo: Colón 2 – 1º Andar da Área Panorámica Francisco Sánchez - Porta 5
Teléfono: 617 49 81 03
Correo: biblioteca@tui.gal
Web da Biblioteca Municipal de Tui Dende a mesma pódese acceder ao catálogo da Biblioteca.
Acceso ao Catálogo da Biblioteca Municipal de Tui
O Centro de Interpretación do Camiño, situado no antigo Convento de San Domingos, será o escenario este sábado, 30 de setembro, do Forum Peregrino “Os Camiños de Santiago en Galicia”, organizado por Iacobus Tui e Baixo Miño, o Concello de Tui e a Deputación de Pontevedra.
Os distintos Camiños de Santiago serán os protagonistas do Forom Peregrinos que se vai celebrar o sábado, 30 de setembro, no Centro de Interpretación do Camiño de Santiago no edificio do antigo Convento de San Domingos. Está organizado por Iacobus Tui, xunto co Concello de Tui e a Deputación de Pontevedra.
O programa a realizar é o seguinte:
10:00 h Apertura e presentación
10:15 h Benvida aos assistentes do alcalde de Tui, Enrique Cabaleiro, e saúdo das autoridades presentes
O Teatro Municipal de Tui acollerá o mércores, 11 de outubro, ás 20h o Festival de Outono de Corais de Tui no que participarán as tres agrupacións corais do municipio. Serán a coral do Centro Sociocomunitario de Tui dirixida por Moisés Lorenzo Alonso, a Coral Polifónica Ponte das Febres de Ribadelouro baixo a dirección de Rafael Pérez Dopeso, e a Coral San Telmo dirixida por Celso Diéguez Martínez.
A entrada é gratuíta e débense retirar un máximo de dúas por persoa dende ás 19.30h.
