Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño. Exposicións, festivais de música e cine, feiras, … fan que a cultura teña en Tui un valor excepcional.
O martes, 23 de novembro, ás 19 h terá lugar unha nova conferencia no marco do Foro do Camiño de Santiago que organiza o concello de Tui. Nesta ocasión contará coa participación de Dámaso Rodríguez Costas, autor de "Ruta jacobea, camino y leyenda".
A charla poderá seguirse en directo na aula CEMIT, con aforo limitado, e en liña en wwww.tui.gal.
Até o 8 de xaneiro de 2022 ampliouse na Sala Municipal de Exposicións do Concello de Tui a mostra de fotografías antigas “A nosa auga, a nosa terra, a nosa xente” que recolle unha escolma dos fondos gráficos do Balneario de Caldelas de Tui.
Recolle 76 fotografías, tomadas entre 1886 e 1935, procedentes do arquivo do Balneario de Caldelas
Do 10 ao 29 de novembro pódese visitar no anexo da Sala Municipal de Exposicións a mostra cos traballos participantes no VI Concurso Pinta Tui que tivo lugar o domingo, 7 de novembro.
Preto de 300 persoas teñen participado nas últimas semanas nas actividades organizadas polo Concello de Tui con motivo do 450 aniversario da Batalla de Lepanto.
O pasado 7 de outubro, coincidindo co 450 aniversario da batalla de Lepanto (entre as tropas da Liga Santa e do Imperio otomán), o alcalde de Tui, Enrique Cabaleiro, presentaba o programa de actividades que o Concello tudense ía desenvolver para conmemorar esta efeméride e a súa representación o retablo de Nosa Señora do Rosario na Igrexa tudense de San Domingos.
“Nina Ninette” é o título do espectáculo da danza dirixido a público familiar que chega este venres, 12 de novembro, ás 19.30 h ao Teatro Municipal de Tui dentro da programación de Outono. Será da man da compañía Traspediante e coas bailarinas Marta Alonso Tejada e Paula Quintas e a actriz Carlota Mosquera.
O martes, 9 de novembro, ás 19.30 h, remata o ciclo de conferencias conmemorativo do 450 aniversario da Batalla de Lepanto. Será da man do historiador tudense Suso Vila que pronunciará a conferencia titulada “Os corsarios turco-berberiscos nas costas galegas e o seu eco remoto no retablo de Nosa Señora do Rosario de San Domingos de Tui”. Na mesma analizará a influencia que estas incursións tiveron na historia do sur de Galicia e o papel que a Igrexa e as devocións populares xogaron nestes momentos de perigo e incerteza. Será ás 19.30 h na igrexa de San Domingos.
O próximo martes, 9 de novembro, ás 19.30 h a igrexa de San Domingos acollerá a derradeira conferencia do ciclo organizado polo Concello de Tui en torno ao retablo de Nosa Señora do Rosario, popularmente coñecido como da “Batalla de Lepanto” pola representación deste episodio bélico que posúe, no 450 aniversario daquela afamada batalla que tivo lugar o 7 de outubro de 1571.
O Teatro Municipal de Tui acollerá este venres, 5 de novembro, ás 21.30 h o inicio da xira de “O charco de Ulises” do Centro Dramático Galego. Unha montaxe dirixida por Marián Bañobre e Santiago Cortegoso – autor do texto – que nos transporta da Ítaca do texto clásico de Homero á Galicia.
Mañá mércores, 3 de novembro, ás 11h na sala de reunións da casa do concello de Tui terá lugar a presentación de “O Charco de Ulises” do Centro Dramático Galego, CDG, que este venres, 5 de novembro, inicia no Teatro Municipal de Tui a súa xira.
A presentación correrá a cargo do alcalde de Tui, Enrique Cabaleiro, da concelleira de Cultura, Sonsoles Vicente, e do director do CDG, Fran Núñez.
“Política, devoción e iconografía bélica. O tema da Batalla de Lepanto no retablo do Rosario do convento de San Domingos de Tui” é o tema da conferencia que este mércores, 2 de novembro, ás 19.30 horas na igrexa tudense de San Domingos ofrecerá Javier Gómez Darriba. Na súa intervención analizará a iconografía e outros aspectos deste singular retablo.
