Contraproducións con Cigarreiras

'Cigarreiras’ de Contraproducións pechará a programación cultural de outono en Tui. Baseada na obra La Tribuna de Emilia Pardo Bazán, a peza conta cunha gran posta en escena dominada por sete actrices, conxuga o ton propio dun drama individual e colectivo con outros tons máis frescos, lixeiros e mesmo cómicos, tan característicos da obra narrativa da célebre autora coruñesa. A cita será o venres, 25 de novembro, ás 21.30 h no Teatro Municipal.

Esta peza teatral escrita e dirixida por Cándido Pazó na súa trama argumental achéganos á historia dunha relación socialmente imposible entre unha proletaria e un burgués, tamén pode ser lida como un testemuño da crise política que en 1868 levou á caída da dinastía borbónica e en 1873 á proclamación da I República. 

Premios María Casares á Escenografía, Dirección e Mellor espectáculo

Premio do Público do Festival Internacional de Outono de Carballo

• Autor e director: Cándido Pazo. 
• Elenco: Tamara Canosa, Susana Dans, Mercedes Castro, Isabel Naveira, Covadonga Berdiñas, Ana Santos e Ledicia Sola
• Escenografía: Dani Trillo
• Vestiario: Martina Cambeiro‘
• Iluminación: Alfonso Castro
• Deseño espazo musical: Manuel Riveiro
• Xénero: Drama
• Recomendada: + 12 anos
• Duración: 105  minutos
• Prezos: 8€ e 6€