Facebook Twitter Vimeo Instagram Youtube

O conxunto histórico tudense, o segundo en importancia e tamaño de Galicia, é o máximo expoñente do patrimonio tudense. As rúas vellas de Tui gardan auténticos tesouros mais aló das impoñentes construcións ou das pequenas vivendas que se agrupan nel. Escudos, brasóns, inscricións fan do conxunto histórico de Tui, declarado Ben de Interese Cultural, un lugar para coñecer, aprender e descubrir. Pero outros moitos puntos do centro urbano e das parroquias atesouran outros elementos destacados moitos deles vinculados á cultura popular e do patrimonio relixioso.

Visita guiada aos Sambenitos Inquisitoriais

Dentro das visitas guiadas gratuítas organizadas polo Concello de Tui o luns 30 de outubro terá lugar a Visita Sambenitos Inquisitoriais. Sairá ás 20.15h dende a Praza da Inmaculada sendo guiada polo historiador Suso Vila. 

Os Sambenitos penintenciais da Catedral de Tui son pezas únicas en Europa. Estes lenzos sinalaban aos herexes reconciliados polo Santo Oficio, quedando marcados durnate xeracións. Na actualidade consérvanse no Museo Diocesano formando parte da riqueza da historia social de Tui e dun patrimonio cultural extraordinario. 

Unha visita nocturna polo barrio xudeu na fin de semana é a proposta para o mes de outubro nas visitas guiadas gratuítas

Undefined

As visitas guiadas gratuítas á cidade de Tui cambian o seu horario durante o mes de outubro e tamén a súa periodicidade. Dende mañá 1 de outubro pasarán a realizarse os venres, sábados e domingos ás 20.15h cun percorrido aproximado dunha hora polo barrio xudeu. Con estas visitas nocturnas búscase ofrecer outra imaxe da cidade apreciando aspectos que as veces pasan desapercibidos á luz do día.

Peonalización do conxunto histórico

O 2 de xuño de 2017, púxose en marcha a primeira fase do Plan de Peonalización do conxunto histórico de Tui. Nesta primeira fase a peonalización aplicouse durante as fins de semana, venres, sábados e domingos.

Ao mesmo tempo comezaron a funcionar as Zonas Verdes de estacionamento para os veciños de intramuros con distintitivo R, e das propias Zonas Verdes con distintivo RE. Están situadas nas rúas Bispo Lago, Ordóñez e Martínez Padín dende o cruzamento co Arrabal, e no Paseo Fluvial, e nas mesmas só poderán aparcar os posuidores dos distintivos R e RE.

Galego

Sinalización cidade histórica

Pór en valor a cidade histórica de Tui, sinalizar os distintos monumentos e edificios destacados, e servir de indicación para acceder aos puntos de interese son tres dos obxectivos da nova sinalización instalada no conxunto histórico polo Concello de Tui cunha achega do 42% do importe total pola Axencia de Turismo de Galicia.

Galego

Best Boy actúa este sábado no concerto Fin de Verán en Tui

Undefined

A música dos Best Boy despedirá este sábado o verán en Tui nunha iniciativa da Asociación Cultural Betún na que colabora o Concello de Tui a través das concellerías de Ensino e Cultura e de Patrimonio. A praza de Fromista será o escenario, en pleno conxunto histórico, dunha festa na que música e gastronomía irán da man a partir das 20.30h.

Preto dun centenar de persoas percorrerán este sábado o Camiño Portugués entre Caminha e Tui

Undefined

Reivindicar a importancia do Camiño Portugués pola Costa dende Caminha ata Tui é o obxectivo da andaina organizada para este sábado por Iacobus Tui en colaboración co Concello de Tui.  Preto dun centenar de persoas realizarán en dous grupos este percorrido histórico, un grupo completando os 34 quilómetros que separan Caminha e Tui e o outro grupo os 17 quilómetros entre Vila Nova de Cerveira e Valença.

Presentación mañá ás 11.15h do Concerto Fin de Verán

Undefined

Mañá xoves, 14 de setembro, ás 11.15h na sala de reunións da casa do concello de Tui presentarase o Concerto Fin de Verán que se vai celebrar este sábado, 16 de setembro, na praza de Fromista. Está organizado pola Asociación cultural Betún coa colaboración do Concello de Tui a través das concellerías de Cultura e Patrimonio.

A presentación correrá a cargo do alcalde de Tui, Enrique Cabaleiro, do concelleiro , Miguel Capón Rey, e da concelleira de Patrimonio, Carmen Núñez, xunto a responsables da Asociación Cultural Betún, e do grupo tudense Best Boy.

Gastronomía, xustas medievais, actividades no río Miño e moito máis é o que chega esta fin de semana da man de Arraianos

Undefined

Esta mañá tivo lugar na sala de plenos do Concello de Tui a presentación da segunda edición do Festival Arraianos, que se vai celebrar esta fin de semana na cidade.

A presentación correu a cargo do tenente de alcalde do Concello de Tui, Miguel Ángel Capón, da concelleira de Ensino e Cultura, Mª José González, de Andrea Costa e Víctor Pérez Bugarín, da organización do Festival da Cultura Arraiana, e de dous representantes de Hípica Celta, Sergio Pérez e WaskarYoet Álvarez.

Páxinas

Subscribirse a RSS - Patrimonio e Conxunto Histórico