O conxunto histórico tudense, o segundo en importancia e tamaño de Galicia, é o máximo expoñente do patrimonio tudense. As rúas vellas de Tui gardan auténticos tesouros mais aló das impoñentes construcións ou das pequenas vivendas que se agrupan nel. Escudos, brasóns, inscricións fan do conxunto histórico de Tui, declarado Ben de Interese Cultural, un lugar para coñecer, aprender e descubrir. Pero outros moitos puntos do centro urbano e das parroquias atesouran outros elementos destacados moitos deles vinculados á cultura popular e do patrimonio relixioso.
"Monte Aloia, a creación dun lugar" é o título da exposición que dende o luns 24 ata o venres 4 de xaneiro poderá visitarse na Sala Xacobeo da Área Panorámica.
A mostra, organizada co gallo do corenta aniversario do Monte Aloia coma Parque Natural, busca recoñecer a figura e o papel desempeñado polo enxeñeiro Rafael Areses como gran impulsor deste espazo natural.
O domingo, 16 de decembro, ás 19h terá lugar o concerto inaugural das obras de rehabilitación do Palco da Música no Paseo da Corredoira. Este concerto correrá a cargo do trompetista Manuel Madarnás acompañado dun quinteto de metais e percusión
Tras tres meses de traballo concluíron as obras de rehabilitación do Palco da Música que supuxeron unha actuación integral en todos os elementos, e que devolveu a este elemento patrimonial a súa cor branca orixinal do século XIX. Este domingo, 16 de decembro, coma inauguración haberá ás 19h, un concerto a cargo do trompetista Manuel Madarnás acompañado por outros instrumentistas.
Onte procedeuse á retirada de dous camelios de grandes dimensións e lonxevidade, un deles centenario, ademais dun cactus sudamericano, das propiedades lindeiras á rúa Ourense que están a ser demolidas para a apertura da rúa que conectará con Colón, Augusto González Besada e Martínez Padín,
Estes dous camelios e o cactus sudamericado foron plantados nos xardíns de Troncoso, conservando así estes dous exemplares nun novo emprazamento nunha actuación promovida pola concellería de Patrimonio e Medio Ambiente que permite ampliar o patrimonio botánico municipal.
Co obxectivo de estudar a posibilidade de que a Dirección General de Arquitectura, Vivienda y Suelo do Ministerio de Fomento asuma a rehabilitación do Teatro Principal o alcalde de Tui, Carlos Vázquez Padín, vén de solicitarlle unha entrevista ao seu titular Francisco Javier Martín Ramiro.
O sábado, 17 de novembro, celébrase en Tui un ciclo de conferencias co gallo do aniversario do Concilio galego de San Bartolomeu de Rebordáns. O título destas conferencias será “1118 La huella de Gelmírez en la sede tudense”. Están organizadas polo Instituto de Estudios Tudenses en colaboración coa Concellería de Cultura do Concello de Tui.
Mañá sábado, 17 de novembro, celébrase en Tui un ciclo de conferencias co gallo do aniversario do Concilio galego de San Bartolomeu de Rebordáns. O título destas conferencias será “1118 La huella de Gelmírez en la sede tudense”. Están organizadas polo Instituto de Estudios Tudenses en colaboración coa Concellería de Cultura do Concello de Tui.
O Concello de Tui vén de rematar nos últimos días a ampliación da sinalización do Conxunto Histórico Artístico e en parte do trazado do Camiño Portugués de Santiago. Para acometer este proxecto contouse cunha achega da Axencia de Turismo de Galicia que concedeu 18.265,24€ dos 28.100,37€ que se investiron. Neste caso tratouse da instalación de 16 novos sinais en puntos de interese, que se suman aos 36 colocados na primeira fase desta sinalización iniciada en 2016.
O programa “Tralas pegadas do tempo” organizado pola concellería de Patrimonio e Cultura realizará este sábado, 15 de setembro, a derradeira visita das catro programadas, que comezaron no mes de agosto.
Onte luns comezaron as obras de rehabilitación do palco de música de Tui. O palco situado no Cantón de Diomedes, ao pé do paseo da Corredoira foi construído en 1897 e dende hai varios anos deixara de utilizarse polo deterioro que presentaba. Para a realización destas obras foron precisos dous proxectos. Por un lado o de rehabilitación de carpinteiría e canteiría, redactado polo arquitecto Rubén Martín Vázquez, e outro específico para os elementos de forxa, cuxa redacción correu a cargo de Gonzalo Buceta Brunete.
