O medio natural é un dos grandes valores de Tui. O río Miño e o Parque Natural do Monte Aloia son os buques insignia do Tui Natural. O coñecemento do entorno serve tamén para aprender a amalo e a respectalo. As sendas que percorren os montes e as beiras do río Miño tentan facilitar ese coñecemento, ademais de proporcionar espazos para o deporte e o paseo. Pero o medio ambiente abrangue tamén o respecto polo mesmo cunha aposta inequívoca pola recollida selectiva e a compostaxe. O obxectivo é reducir ao 50% o lixo que depositamos na bolsa negra no ano 2020.
Mañá martes, 12 de setembro, ás 11h na sala de reunións do Concello de Tui terá lugar a presentación dos Roteiros Literarios, unha iniciativa do Servizo de Cultura e Lingua da Deputación de Pontevedra e da AELG, Asociación de Escritores e Escritoras en Lingua Galega, que este sábado se vai celebrar Tui.
Este xoves, 7 de setembro de 2017, ás 10.30h na Área Panorámica de Tui terá lugar o acto de inauguración das xornadas de traballo sobre o proxecto de cooperación entre Grupos se Desenvolvemento Rural “Potenciando Capacidades en el Rural”
Os Grupos de Desenvolvemento Rural, implementan as súas estratexias no territorio e xestionan os fondos do programa Leader. Ademais traballan en rede e colaboran a través de Proxectos de cooperación que teñen por finalidade mellorar e acadar un desenvolvemento de todos os territorios de forma conxunta.
A senda da Pedra Santa, cunha lonxitude de 9.995 metros, súmase á rede de sendeiros cos que conta o concello de Tui debidamente sinalizados e identificados. O Concello de Tui vén de colocar nos últimos días os carteis explicativos do percorrido e de limpar un pequeno tramo do mesmo logo de que o club AndaTui levase a cabo a súa sinalización en branco e verde, por tratarse dunha senda local de menos de 10 quilómetros de acordo as marcas federativas.
A colocación de carteis, bandeirolas, rótulos, adhesivos ou outros elementos publicitarios en mobiliario urbano, nos parabrisas ou outros puntos de coches e en calquera outro punto fóra dos lugares establecidos está prohibido tal e coma recolle a Ordenanza Reguladora de Ornato e Limpeza Viaria. A colocación de carteis fóra dos lugares permitidos está considerado coma infracción leve, e o pegado de elementos publicitarios no mobiliario urbano coma infracción moi grave, polo que estes feitos poderán ser sancionados con multas que oscilan entre os 200€ e os 800€ coma sinala a ordenanza munic
Mañá xoves, 10 de agosto, ás 21h na Sala Félix Rodríguez da Área Panorámica terá lugar unha reunión informativa sobre reciclaxe e compostaxe doméstica. A charla vai dirixida aos veciños da contorna da Área Panorámica, é dicir rúas Colón, Casal Aboy, Ourense e Compostela, ante a posta en marcha dun novo grupo de composteiros comunitarios na traseira da Área Panorámica no aparcamento municipal.
As piscinas municipais e o parque infantil de Caldelas foron obxecto esta fin de semana de actos vandálicos que causaron distintos desperfectos nas instalacións municipais. O custe dos danos xerados está a ser avaliado por técnicos municipais.
O Concello de Tui recibiu esta mañá por parte da Xunta de Galicia unha pértega para tratar os niños de vespa velutina, xunto a todos os mecanismos necesarios para a súa manipulación. Trátase dunha pértega que pode acadar os 27 metros de altura adaptada para o tratamento dos niños con veleno. Para poder utilizar este mecanismo tamén se recibiron os traxes de protección e o resto do equipamento.
O Concello de Tui vai mellorar a pavimentación do camiño rural que une as parroquias de Guillarei e Paramos con acceso ao Monte das Penizas. O investimento ascenderá a preto de 60 mil euros dos que 50 mil son aportados pola Xunta de Galicia a abeiro de Plan Marco, Plan de mellora de camiños municipais 2017 -2018.
Segundo o proxecto a actuación a realizar será a pavimentación do vial que da acceso ao monte das Penizas e une as parroquias de Guillarei e Paramos, homoxeneizando o pavimento e mellorando a seguridade vial nunha superficie de 2905 m2.
As concellerías de Turismo, Cultura e Limpeza e Medio Rural do Concello de Tui convocan o presente Concurso de Pintura Mural 2016 coa finalidade de prestixiar e difundir a obra de artistas creadores de pintura mural, ademais de promover a súa creatividade.
O Consorcio local para a xestión do ciclo urbano do Louro constitúese entre os Concellos de Mos, O Porriño, Salceda de Caselas e Tui e a entidade pública empresarial Augas de Galicia coa finalidade de prestar os servizos de abastecemento, saneamento e depuración existentes no territorio dos Concellos que o integran.
