O medio natural é un dos grandes valores de Tui. O río Miño e o Parque Natural do Monte Aloia son os buques insignia do Tui Natural. O coñecemento do entorno serve tamén para aprender a amalo e a respectalo. As sendas que percorren os montes e as beiras do río Miño tentan facilitar ese coñecemento, ademais de proporcionar espazos para o deporte e o paseo. Pero o medio ambiente abrangue tamén o respecto polo mesmo cunha aposta inequívoca pola recollida selectiva e a compostaxe. O obxectivo é reducir ao 50% o lixo que depositamos na bolsa negra no ano 2020.
O Consorcio de Augas do Louro ten realizado durante os últimos tres meses, coincidindo cos períodos de seca extrema de finais de ano e coas intensas choivas que se veñen reproducindo dende entón, máis de 1000 análises de ata 25 parámetros diferentes para o control da auga potable, o que ten permitido dar resposta ás variacións na calidade da auga que chega ás plantas de potabilización co obxectivo de garantir o cumprimento dos requirimentos sanitarios legalmente esixidos.
Até o sábado 17 de febreiro está na Praza da Inmaculada de Tui a un punto informativo da campaña “O que se enchufa recíclase” da Consellería de Medio Ambiente en colaboración co Concello de Tui e Ofiraee.
Ordenanza Municipal de Protección Contra a Contaminación Acústica no Concello de Tui publicada no Bop nº 237 de 13 de decembro de 2017.
O Consorcio do Louro prosegue a adoptar medidas co obxectivo de minimizar as perdas de auga que se viñan producindo.
En concreto a pasada semana instalaron unha nova redutora de presión na zona da Baliña, en Areas, que permitirá reducir a elevada presión que soportaba unha parte do barrio de Areas e contribuirá a minimizar as perdas de auga por roturas ou fugas ocultas.
Ante a grave situación de alerta por seca o Consorcio do Louro restrinxirá o subministro a 85 grandes empresas e prohibe o baldeo e regas en fincas particulares. Buscan deste xeito cumprir o obxectivo fixado por Augas de Galicia de reducir o 10% o consumo total en dez días.
Quinto Tenente de Alcalde
Concelleiro de Servizos Sociais e Medio Ambiente
Reivindicar a importancia do Camiño Portugués pola Costa dende Caminha ata Tui é o obxectivo da andaina organizada para este sábado por Iacobus Tui en colaboración co Concello de Tui. Preto dun centenar de persoas realizarán en dous grupos este percorrido histórico, un grupo completando os 34 quilómetros que separan Caminha e Tui e o outro grupo os 17 quilómetros entre Vila Nova de Cerveira e Valença.
Mañá martes, 12 de setembro, ás 11h na sala de reunións do Concello de Tui terá lugar a presentación dos Roteiros Literarios, unha iniciativa do Servizo de Cultura e Lingua da Deputación de Pontevedra e da AELG, Asociación de Escritores e Escritoras en Lingua Galega, que este sábado se vai celebrar Tui.
Este xoves, 7 de setembro de 2017, ás 10.30h na Área Panorámica de Tui terá lugar o acto de inauguración das xornadas de traballo sobre o proxecto de cooperación entre Grupos se Desenvolvemento Rural “Potenciando Capacidades en el Rural”
Os Grupos de Desenvolvemento Rural, implementan as súas estratexias no territorio e xestionan os fondos do programa Leader. Ademais traballan en rede e colaboran a través de Proxectos de cooperación que teñen por finalidade mellorar e acadar un desenvolvemento de todos os territorios de forma conxunta.