O deporte é un dos grandes valores que Tui posúe. O municipio conta con máis de 40 clubs deportivos pertencentes a máis dunha véntena de modalidades deportivas.
Dende os populares fútbol, baloncesto ou balonmán, pasando por tenis, atletismo, judo ou patinaxe, por nomear só algúns, xa que a lista completa sería longa en exceso. Pero si en algo brilla Tui no eido deportivo é sen lugar a dúbidas nos deportes de río: piragüismo e remo. A cidade conta con deportistas olímpicos, campións do Mundo, de Europa e de España en distintas modalidades que conforman un longo inventario de deportistas dos clubs locais que chegaron ao máis alto. Algo inusual e practicamente único que fai de Tui un exemplo a seguir na promoción do deporte tanto de elite coma de base.
O próximo martes, 19 de febreiro, ás 13.00 horas, na sala de concelleiros do Concello de Tui, terá lugar a presentación da primeira xornada da Fase Sur de Judo, que a Federación Galega de Judo, en colaboración coa Secretaría Xeral para o Deporte da Xunta de Galicia e o Concello de Tui. Celebrarase o sábado 23 de febreiro, no novo pavillón deportivo municipal de Tui.
O sábado, 16 de febreiro, ás 20 hora galega celébrase o IV Torneo de Veteranos Eurocidade - Taça San Teotonio no Estadio Dr. Lourenço Raimundo de Valença. Enfrontaranse o Valenciano e o Tyde.
O Campionato Galego de Grupos Show Júnior e Cuartetos, celebrarase este sábado, 16 de febreiro, no novo pavillón deportivo municipal de Tui. Comezará ás 17.30 horas organizado polo CPA Ribex de Tui, en colaboración coa Federación Galega de Patinaxe e o Concello de Tui.
Un total de 25 actividades de 17 modalidades deportivas na que participan 21 clubs e dúas empresas conforman o calendario de actividades deportivas de 2019 que esta fin de semana comeza na Eurocidade Tui-Valença e que se vai prolongar até o mes de decembro.
O Club de Piragüismo Penedo Te Importa e a Federación Galega de Piragüismo organiza a II Copa Galega de Slalom Olímpico que se vai celebrar o domingo, 10 de febreiro, no lugar de Cordeiro, en Alxén, Salvaterra, en augas do río Tea.
O pavillón Municipal de Tui acolle o sábado, 16 de febreiro, ás 17.30h o Campionato Galego de Patinaxe en Grupos Show, Junior e Cuartetos. A entrada terá un prezo de 5€, sendo gratuíta para os menores de 7 anos.
Esta organizado polo CPA Ribex, convocado pola Federación Galega de Patinaxe, coa colaboración do Concello de Tui, entre outros.
Mañá venres, 1 de febreiro, ás 11.00 horas españolas, no salón de plenos do Concello de Tui, terá lugar a presentación do Calendario Deportivo da Eurocidade, que neste ano 2019, albergará máis de trinta eventos deportivos, de ata dezasete modalidades deportivas.
Mañá sábado celébrase a XXXIX Regata Miño Internacional – Copa Presidenta da Deputación, organizada polo Club Remo do Miño, en colaboración co Concello de Tui e a Federación Galega de Remo. Constará dunha distancia de 6 mil metros entre Currás, Tomiño, e Tui (fronte á rúa Olímpicos Tudenses). A proba baterá este ano record de participación con 271 remeiros e remeiras de 19 clubs galegos e portugueses e 44 embarcacións Catro Scull e Oito.
Mañá venres, 25 de xaneiro, ás 11.00 horas, no salón de plenos do concello de Tui, terá lugar a presentación da XXXIX Regata Miño Internacional, que se celebrará no río Miño, este sábado 26 de xaneiro, organizada polo Club Remo do Miño, en colaboración co Concello de Tui e a Federación Galega de Remo.
Na mesma, estarán presentes o alcalde de Tui, Carlos Vázquez, o concelleiro de Deportes, Eduardo Freiría, o presidente do Club Remo do Miño, José Luís Méndez e os vicepresidentes do club, José Prada e Manuel Ángel González.
O club Tracçao ás 4 organiza o Raid TT'19 da Eurocidade Tui-Valença, que se vai celebrar na modalidade de motos o 23 de febreiro. Previamente 2 de febreiro celebrouse na modalidade de jeeps.
