Facebook Twitter Vimeo Instagram Youtube

Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño.  Exposicións, festivais de música e cine, feiras, … fan que a cultura teña en Tui un valor excepcional.

Anxo Moure presenta o contacontos “Pes de Lobo. Un lobo na biblioteca” este mércores en Tui

Undefined

A Biblioteca Pública Municipal de Tui continua desenvolvendo a súa programación de actividades do “Mes da biblioteca” cunha nova sesión de contos para os usuarios máis cativos deste centro bibliotecario. Así este mércores, 6 de outubro, ás 18 h presenta o espectáculo “Pes de lobo. Un lobo na biblioteca” a cargo do narrador oral Anxo Moure. Esta actividade está dirixida especialmente aos nenos e nenas con idades entre 4 e 11 anos de idade.

Tui celebra a I Feira da Cabaza nas distintas parroquias ao longo do mes de outubro

Undefined

Esta fin de semana comeza a I Feira da Cabaza que ao longo de todo o mes de outubro se vai celebrar no municipio tudense.

A Oficina de Turismo acolleu esta mañá a presentación a cargo do alcalde, Enrique Cabaleiro, as concelleiras de Comercio, Ana Mª Núñez, e de Cultura, Sonsoles Vicente, Carlos Picho, Juan Carlos Boo e Telmo Alfaya, membros da organización e José Martínez Tato, presidente do club AndaTui.

Marta Alonso abre a programación de outono no Teatro Municipal de Tui con “Bailar Agora”

Undefined

O espectáculo de danza contemporánea “Bailar agora” de Marta Alonso abre mañá a programación do outono no Teatro Municipal de Tui.   A función comezará ás 21.30 h tendo lugar a apertura de portas ás 21 h. As entradas pódense mercar en www.tui.gal até mañá venres ás 20.30 h. Teñen un prezo de 8€, e 6€ para público infantil e as persoas que teñan dereito a algún dos descontos establecidos.

Mañá xoves preséntase a Feira da Cabaza que no mes de outubro se vai celebrar en Tui

Undefined

Mañá xoves, 30 de setembro, ás 12.15 h na Oficina de Turismo, na praza de San Fernando, terá lugar a presentación da Feira da Cabaza que se vai celebrar no mes de outubro en Tui.

A presentación correrá a cargo do alcalde de Tui, Enrique Cabaleiro, das concelleiras de Comercio, Ana Mª Núñez, e de Cultura, Sonsoles Vicente, xunto a Juan Carlos Boo e Telmo Alfaya membros da organización.

Danza, teatro e música nos dez espectáculos programados este outono no Teatro Municipal de Tui

Undefined

Este venres, 1 de outubro, comeza no Teatro Municipal de Tui, a programación Cultural de Outono conformada por dez espectáculos de danza, teatro e música dirixidas tanto a público adulto coma infantil.

A presentación desta programación tivo lugar esta mañá na casa do concello a cargo do alcalde de Tui, Enrique Cabaleiro, da concelleira de Cultura, Sonsoles Vicente, e do director da Axencia Galega das Industrias Culturais, Jacobo Sutil.

Camerata Lírica con “La Boheme, concerto escenificado”

O venres, 3 de decembro, ás 21.30 h no Teatro Municipal de Tui Camerata Lírica presenta “La Boheme, concerto escenificado”.

“La Boheme” é a obra mestra de Giacomo Puccini, con libreto de L. Illica e G. Giacosa. É unha ópera en catro actos inspirada na novela do literato Henri Muguer, "Scènes da vie de Bohème"; estreada no Teatro Rexio de Milán o 1 de febreiro de 1896, baixo a batuta de Arturo Toscanini.

Centro Dramático Galego, CDG, con “O Charco de Ulises”

O Centro Dramático Galego, CDG, inicia en Tui a xira de “O Charco de Ulises”, unha versión libre da Odisea, traspasada de Ítaca a Galicia, de Troia a Bos Aires, do Mediterráneo ao Atlántico. Será o venres, 5 de novembro, ás 21.30 h no Teatro Municipal de Tui.

A trama discorre en paralelo ao clásico de Homero, xerando un diálogo co mito orixinal, para tratar o fenómeno da emigración galega cun marcado compoñente poético.

Páxinas

Subscribirse a RSS - Cultura