A Agrupación de Voluntarios de Protección Civil de Tui organiza por segundo ano consecutivo un Concerto Solidario a favor de SOS Tomiño Baixo Miño. No evento contan coa colaboración do Concello de Tui.

Este II Concerto Solidario terá lugar mañá sábado día 10, ás 18.00 h, no Teatro Municipal, e para acceder será necesario entregar 1 quilo de alimentos non perecedoiros, como mínimo, que se destinará a SOS Tomiño Baixo Miño.

Este sábado, 10 de decembro, ás 13.00 h no salón de plenos da casa do concello de Tui terá lugar a entrega da medalla de ouro da cidade a D. Luis Quinteiro Fiuza, bispo da diocese de Tui-Vigo. O Pleno da Corporación Municipal de Tui acordou na súa sesión do pasado 28 de xullo conceder a medalla de ouro da cidade, que será entregada este sábado.

O deporte tudense está cheo de fazañas que escribiron con letras de ouro o nome da cidade en todo o mundo. Ano a ano, a listaxe de grandes deportistas que compiten baixo o nome de Tui non deixa de medrar, ao que se suma o gran nivel acadado por todos eles traendo de volta os máis prestixiosos premios e condecoracións. É por isto que o nivel de todos eles merece unha homenaxe no que foi o seu día.

A Sala de Exposicións Municipal no edificio Francisco Sánchez acolle até o 29 de xaneiro a exposición “O Camiño Portugués. Lembranzas de mar e pedra”, que chega a Tui da man da Consellería da Cultura e da Cidade da Cultura coa colaboración do Concello de Tui.

Mañá xoves, 1 de decembro, ás 10.30 h na Sala de Exposicións Municipal no edificio Francisco Sánchez terá lugar a inauguración da exposición “O Camiño Portugués. Lembranzas de mar e pedra”

O acto contará coa presenza do alcalde de Tui, Enrique Cabaleiro, do director xeral de Cultura da Xunta de Galicia, Anxo M. Lorenzo; da directora xerente da Fundación Cidade da Cultura de Galicia, Ana Isabel Vázquez  e da comisaria da exposición Lucía Laín. 

A mostra poderá visitarse dende mañá e até o 29 de xaneiro. 
 

A ruta fluvial do río Miño da que entre febreiro e outubro gozaron 5.400 persoas foi unha das iniciativas executadas ao abeiro do proxecto Río Miño, Destino Navegable, que hoxe foi clausurado. No mesmo participaron coma socios os concellos de Tui e Salvaterra de Miño, e as cámaras municipais de Valença e Monçao, xunto a Axencia de Turismo de Galicia, a Dirección de Patrimonio Natural da Xunta, e Turismo do Porto e Norte de Portugal.

A lembranza dos Mártires de Sobredo queda dende onte presente no rueiro de Tui coa rúa que leva o seu nome. Onte á tarde tiña lugar o acto de descubrimento da placa no vieiro situado entre a rúa Casal Aboy e a Avenida da Concordia que pasa a denominarse rúaa Mártires de Sobredo.  Onte precisamente cumpríanse 100 anos dos sucesos nos que perderon a vida Cándida, Joaquín e Venancio. Onte os seus familiares eran os encargados de descubrir a placa da rúa acompañados polo alcalde, Enrique Cabaleiro, e pola presidenta do Instituto de Estudos Agrarios Mártires de Sobredo, Marga Romero. 

Mañá mércores, 30 de novembro, ás 11.00 horas, na casa do Concello de Tui, terá lugar a presentación da 1ª San Silvestre de Tui “Correr e Andar” a beneficio da Asociación Española contra o Cancro, organizada polo Concello de Tui e o Club Atletismo Tui, en colaboración co Protección Civil de Tui, a Policía Local de Tui, Radio Municipal de Tui e diferentes empresas patrocinadoras. Celebrarase  o sábado 31 de decembro, a partir das 10.30 horas, dende o Paseo da Corredoira de Tui.

O edificio dos antigos xulgados na praza da Inmaculada acolleu esta tarde o acto conmemorativo do #25.

Cun peza chea de simbolismo "Desalento" a actriz e dramaturga Mónica Sueiro foi a encargada de abrir a actividade.

A continuación Belén Romero, profesora e coordinadora da Biblioteca do IES San Paio, deu lectura a unha carta que da voz  a todas aquelas mulleres que non son quen de berrar o que lles pasou ou o que lles está a pasar.

O Pantalán de Pescadores de Tui acollerá o acto oficial de clausura da ruta fluvial do Miño, no marco do proxecto ‘Río Miño un destino navegable’ do Programa INTERREG V-A España-Portugal [POCTEP] 2014-2020.