Por sexto ano consecutivo o Concello de Tui pon en marcha o programa “Cultiva a mente” que se leva a cabo en todas as parroquias tudenses ofertando en conxunto 165 prazas. Unha iniciativa coa que o concello tudense foi pioneiro en achegar ás parroquias a súa aposta polo coidado da saúde mental das persoas con este programa que traballa na prevención en colaboración con AFAGA, a Asociación de Familiares de Enfermos de Alzhéimer e outras demencias de Galicia. 

O próximo venres 4 de outubro comeza unha nova temporada de programación no Teatro Municipal de Tui na que dende o Concello de Tui se continúa a apostar por unha oferta cultural de calidade, variada e para todos os públicos. Nesta ocasión o teatro e a música centran a oferta de seis espectáculos, dos que tres van dirixidos a público familiar, e tres  a público adulto.

O alcalde de Tui, Enrique Cabaleiro, e o director do Centro Asociado da UNED en Pontevedra, Victor Manuel González Sánchez, formalizaron hoxe a sinatura dun convenio de colaboración que permitirá ampliar a oferta educativa da aula de Tui coa incorporación do Grao en Turismo.

Música, humor e solidariedade encherán o Teatro Municipal de Tui o sábado, 16 de novembro, na gala benéfica organizada pola Agrupación de Voluntarios de Protección Civil de Tui, coa colaboración do Concello de Tui, en favor de  ACEESCA e Galiclown, Pallasos de Hospital. Actuarán o monologuista Damián Alonso e o grupo Toke de Queda.

Mañá xoves, ás 10 h, na casa do Concello de Tui , o alcalde de Tui, Enrique Cabaleiro, e o director do Centro Asociado da UNED en Pontevedra, Victor Manuel González Sánchez, asinarán un convenio entre ambas entidades polo que se ampliará a oferta formativa que a aula da UNED  de Tui ofertará este curso 2024/25, na que se incluirá, entre outras novidades, un novo grao.

A corporación municipal de Tui celebrará sesión con carácter de ordinaria do Pleno Corporativo este xoves, 26 de setembro, ás 20 h, coa seguin orde do día:

A) Parte resolutiva:

1. Aprobación, se procede, do borrador da acta da sesión anterior nº 8 do 31/07/2024.

Mañá mércores, ás 11 h na casa do Concello de Tui , presentarase a “Tarde benéfica de Música e humor” organizada pola Agrupación de Voluntarios de Protección Civil de Tui que se vai celebrar o sábado, 16 de novembro, ás 20 h no Teatro Municipal de Tui.

Participarán no acto de presentación o alcalde, Enrique Cabaleiro, concelleiros e concelleira da corporación municipal, o presidente da Agrupación Municipal de Protección Civil de Tui, xunto aos artistas que actuarán no evento e representantes das asociacións a favor das que será este acto solidario.

O Concello de Tui rexistrou no mes de agosto unha cifra histórica no nivel desemprego acadando o dato máis baixo da última década. Así pasou do 28,64% en 2014 ao 11,99% en 2024. Segundo os últimos datos, referidos ao mes de agosto, en Tui están inscritas nos servizos públicos de emprego 963 persoas.

A concelleira de Formación e Emprego, Ana Núñez, amosa a súa satisfacción por este notable descenso do desemprego no municipio, destacando o bo resultado das políticas activas de emprego que se están impulsando dende o Concello.

Un proxecto de iluminación artística e eficiente que mellorara a actual iluminación vaise executar na Catedral de Tui dentro do Plan de Sostibilidade Turística en Destino (PSTD) A Despensa de Galicia do Xeodestino Ría de Vigo e Baixo Miño do que Tui forma parte.

O obxectivo é poñer en valor este elemento destacados do patrimonio tudense.