Enrique Cabaleiro González foi investido alcalde de Tui o sábado, 17 de xuño de 2023.
Casa do Concello. Praza do Concello 1. 36.700 Tui
986 60 36 43 | contacto.alcaldia@tui.gal
Resolución de alcaldía de 14 de febreiro de 2018 de modificación datas de celebración sesións ordinarias da Xunta de Goberno Local, establecendo que as sesións ordinarias da Xunta de Goberno Local terán lugar os luns, cada quince días, ás 9:30 horas na Sala de Concelleiros da Casa do Concello.
O Concello de Tui vén de adxudicar o anteproxecto e estudio de viabilidade do aparcamento subterráneo na traseira da Área Panorámica por un valor de 17.500€ máis IVE. O estudio de arquitectura adxudicatario encargarase tamén da redacción dos pregos técnicos para a posterior adxudicación do proxecto e da construción do aparcamento subterráneo, cuxa construción debería estar en marcha no que queda do actual mandato.
O concello de Tui convoca á poboación á concentrarse mañá mércores, 14 de marzo, ás 12h diante da casa do concello e gardar un minuto de silencio en memoria do neno Gabriel Cruz, asasinado en Níjar, Almería.
O goberno municipal de Tui tratará nos vindeiros meses de levar a pleno a rebaixa do IBI, Imposto de Bens Inmobles, que era un dos puntos do acordo programático chegado entre C21 e PP para gobernar no Concello de Tui.
O alcalde de Tui, Carlos Vázquez Padín, explicaba que esa rebaixa do IBI, faise máis pertinente que nunca “tendo en conta o malestar que está xerando na poboación a regularización do Catastro” algo que aclara “é completamente alleo ao concello”.
O alcalde de Tui, Carlos Vázquez Padín, e a subdelegada do goberno Ana Mª Ortiz, presiden maña venres, 9 de marzo, ás 10.30h a Xunta Local de Seguridade na sala de reunións da casa do concello de Tui.
A orde do día é a seguinte:
1º.- Aprobación, se procede, da acta da sesión anterior celebrada o a acta da sesión anterior celebrada o día 4 de maio de 2017.
2º.- Incremento do vandalismo nocturno no Conxunto Histórico de Tui e noutros puntos da cidade.
O venres, 9 de marzo, ás 20.30h, no Local do Sindicato de Malvas, equipo de goberno do Concello de Tui presentarase aos vecinos desta parroquia facendo tamén a exposición do traballo que quere realizar no rural.
Ao tempo presentarase ao representante dos veciños de Malvas que servirá de enlace para canalizar as peticións da parroquia co goberno municipal.
Todas aquelas persoas asistentes poderán formular as súas preguntas e rogos tanto ao alcalde como ao resto de concelleiros que conforman o equipo de goberno.
A Eurocidade Tui-Valença estudará a solicitude de subvencións para poder converter a Tui e a Valença nunha Smart City logo da presenza de técnicos das dúas cidades a pasada semana en Barcelona no World Congress Mobile.
Para o Concello de Tui asumir en solitario o investimento preciso para a modernización dos servizos que presta sería inviable economicamente polo seu tamaño polo que a aposta sería a asociación con municipios limítrofes, inclinándose por esa alianza con Valença dentro da Eurocidade.
Onte reuniuse no concello de Tui a mesa de negociación onde o goberno municipal e os sindicatos chegaron a un acordo sobre o capítulo de persoal.
Segundo o alcalde, Carlos Vázquez Padín, “chegouse a un acordo cos sindicatos para rectificar o capítulo 1 dos orzamentos e incrementalo en 82 mil euros”. Ao tempo explicou que se mantén o estudo da Relación de Postos de Traballo fóra do capítulo 1, por cuestións técnicas, que suporá un investimento na mellora da organización e os seus traballadores.
O alcalde de Tui, Carlos Vázquez Padín, remitiu hoxe un escrito á consellería de Sanidade da Xunta de Galicia, no que solicita que adopte as medidas necesarias para solucionar as deficiencias que presenta o novo centro de saúde na rúa Casal Aboy.
O Concello de Tui solicitou á Deputación de Pontevedra a contratación de 20 persoas en situación de desemprego ao abeiro do Plan de Conservación e Funcionamento de Bens e Servizos Municipais do Plan Concellos 2018.
