Enrique Cabaleiro González foi investido alcalde de Tui o sábado, 17 de xuño de 2023.
Casa do Concello. Praza do Concello 1. 36.700 Tui
986 60 36 43 | contacto.alcaldia@tui.gal
A instalación de mesas e cadeiras cunha terraza na vía publica está suxeita a licenza municipal. Así o lembra o alcalde de Tui, Enrique Cabaleiro, nun bando emitido nos últimos días, onde se indica que así o recolle o artigo 42 da lei 9/2013 de emprendemento e competitividade de Galicia modificada pola lei 10/2017 de espectáculos públicos e actividades recreativas de Galicia.
O Boletín Oficial da Provincia recolleu o luns, 25 de maio, o novo calendario fiscal para o cobro de tributos e prezos públicos que o ORAL ten delegados por parte de distintos concellos da provincia, entre eles Tui.
Bando Terrazas ao aire libre dos establecementos de hostelería e restauración.
O goberno da Nación, ao amparo do disposto no artigo 4, apartados b) e d), da Lei Orgánica 4/1981, de 1 de xuño, dos Estados de Alarma, Excepción e Sitio, declarou, mediante o Real Decreto 463/2020, de 14 de marzo, o estado de alarma en todo o territorio nacional co fin de afrontar a crise sanitaria provocada polo COVID-19.
O Concello de Tui vai ampliar o prazo para solicitar as axudas da ARI, Área de Rehabilitación Integral do Conxunto Histórico, que rematou inicialmente este martes, 19 de maio. Tendo en conta a declaración do estado de alarma dende o Concello decidiuse ampliar este prazo, un proceso que está agora en tramitación administrativa, co obxectivo de que poida ser maior o número de persoas propietarias de inmobles nesta zona da cidade as que se poidan beneficiar destas axudas.
O cárcere vello converterase nun centro de acollida de peregrinos e visitantes. A empresa Trivium estratexias en cultura e turismo S.L., adxudicataria do concurso de “Redacción do proxecto de acondicionamento do local e montaxe do Centro Cárcere Vello para a acollida aos visitantes do conxunto histórico de Tui e aos peregrinos do Camiño de Santiago” presentou hoxe no concello proxecto.
Dende o vindeiro luns, 25 de Maio, volverán a estar abertas as oficinas de atención ao público en cada un dos catro concellos do Consorcio do Louro: Tui, O Porriño, Salceda de Caselas e Mos.
Terán un aforo limitado a unha persoa no interior da oficina e porán a disposición da persoa usuaria xel hidroalcohólico para a desinfección das mans, lembrando amais a obrigatoriedade do uso da máscara para o acceso.
Esta mañá instaláronse 8 contedores para a recollida de roupa usada en distintos puntos do termo municipal, grazas á colaboración establecida entre o Concello de Tui e Cáritas.
De agora en diante será esta ONG a encargada da recollida de roupa, calzado e complementos aos que dará un novo uso.
A asociación musulmá El Nor de Tui realizou unha doazón de 500 máscaras FPP2 de seguridade para a Policía Local, Protección Civil, e os equipo de desinfección municipal. Tamén nos próximos días entregarán luvas de nitrilo para estes servizos.
Dende a asociación El Nor, ante a situación xerada pola pandemia da COVID19, quixeron aportar o seu gran de area coa achega deste material de protección.
O Concello de Tui vai contratar a 17 persoas ao abeiro do Plan Concello 2020 da Deputación de Pontevedra para diversos servizos municipais.
Esta semana incorpóranse xa os primeiros traballadores unha vez se completaron os procesos selectivos. Trátase dun oficial de segunda soldador a tempo parcial e dous oficiais condutores a tempo completo..
Nos próximos días incorporaranse tamén seis peóns de horticultura e xardineiría a tempo parcial.
Mañá mércores, 20 de maio, vaise proceder ao pintado da sinalización horizontal na rúa Augusto González Besada, como paso previo ao establecemento do sentido único de circulación nesta vía.
Por este motivo mañá dende ás 8 h non se poderá estacionar neste rúa, e tampouco se poderá circular salvo para o acceso á rúa Rosa Bahamonde ou Foxo.
O pintado da sinalización horizontal comprenderá tanto a sinalización do sentido único de circulación coma das prazas de aparcamento.
