O escritor galego Manel Loureiro presenta mañá venres ás 20 h no Espazo Sociocultural da rúa Camilo José Cela a súa última novela “Antes de que todo cambie” (Planeta, 2026). O evento está organizado pola Libraría Espazo Lector Nobel de Tui, en colaboración coa Biblioteca Municipal. A entrada é libre.

A Aula CEMIT de Tui acollerá o próximo mes de agosto a actividade “Argallando entre xeracións” dentro do programa Tech Kids. Este obradoiro desenvolverase o luns 3, martes 4 e mércores 5 de agosto en horario de 11 a 13.30 h dirixido a mocidade con idades entre os 12 e os 18 anos.

O Concello de Tui aspira a ser recoñecida formalmente como Cidade Amiga da Infancia ao longo deste ano 2026. Este é un distintivo outorgado por UNICEF que recoñece o compromiso das administracións locais coa promoción, protección e participación da infancia e da adolescencias nas políticas municipais.

A Aula CEMIT de Tui acollerá o luns 22 o martes 23 de decembro o Campamento Dixital da Fundación Cibervoluntarios en colaboración co Concelllo de Tui.  Celebrarase en horario de 9 a 14 h dirixido a nenos e nenas de 9 a 13 anos que nesta formación gratuíta poderán adquirir competencias dixitais básicas.

 Representantes do grupo de participación infantil e xuvenil do Concello de Tui, ParTuicipando, acudiron onte ao Parlamento Galego onde se celebrou o XIII Foro de Participación Infantil e Adolescente Parlamento de Galicia-UNICEF para conmemorar o Día Mundial da Infancia. 

O acto estivo presidido por Elena Candia, vicepresidenta 1ª da Cámara galega, e contou coa participación do director xeral de Familia, Infancia e Dinamización Demográfica, Jacobo Rey, e da presidenta de UNICEF Galicia, María Montalvo, xunto a representantes do grupos parlamentarios. 

Con motivo do Día Mundial da Infancia, que se conmemora cada 20 de novembro, esta mañá no Espazo Sociocultural da r/Camilo José Cela o Concello de Tui celebrou un Pleno Infantil e Xuvenil, coa participación da meirande parte dos centros educativos do municipio.

A Aula CEMIT de Tui acollerá un dos seminarios do Día de Scratch,  organizados pola Axencia para a Modernización Tecnolóxica de Galicia, en colaboración co Colexio Profesional de Enxeñaría Técnica en Informática de Galicia, CPETIG. Esta iniciativa busca achegar á rapazada ao mundo da programación dun xeito lúdico e práctico.

A mocidade será a gran protagonista este sábado 6 de setembro en Tui, coa celebración do Festival Boas Vibes na Alameda de San Domingos. Un punto de encontro entre persoas novas, creatividade e cultura na segunda edición deste festival.

A programación comeza ás 11 h coa apertura dos postos do Mercado Creativo, onde se amosará o talento novo en produtos e pezas de arte, artesanía, ilustración, moda, música, cerámica, xoiería, decoración ou literatura.

O grupo municipal de participación infantil e xuvenil ParTUIcipando está aberto a novas incorporacións. Vai dirixido a rapazas e rapaces con idades entre os 9 e os 17 anos que neste espazo poderán expresase libremente, compartir ideas e construír propostas reais para mellorar a cidade, tendo en conta os seus dereitos e necesidades.

Así a través do grupo ParTUIcipando a mocidade pode participar en actividades creativas e dinámicas, opinar sobre o que pasa no seu entorno, coñecer a outras persoas con inquedanzas parecidas, facer chegar as súas propostas ao propio Concello.