Suspendida a función de Sarabela Teatro prevista para este venres Débese ao pasamento do actor Suso Díaz

Suspendida a función de Sarabela Teatro prevista para este venres
Débese ao pasamento do actor Suso Díaz

Mércores, 13 de outubro de 2010. A Concellería de Cultura do Concello de Tui informa que a representación de “A Esmorga” a cargo de Sarabela Teatro prevista para este venres no Teatro Municipal vén de ser suspendida debido ao pasamento do actor Suso Díaz.  Do mesmo xeito foron suspendidas as dúas funcións previstas para esta mañá para escolares da mesma compañía.

Nado en 1971 Suso Díaz, actor, escenógrafo, iluminador, deseñador gráfico, director e autor, estaba vinculado a Sarabela Teatro desde 1988. Recibira dous premios María Casares á Mellor iluminación por  “El lápiz del carpintero” e “Segismunda”.

Dende a Concellería de Cultura do Concello de Tui quérese expresar as condolencias a todos os integrantes da compañía Sarabela Teatro, así coma a familia e amigos de Suso Díaz.