O martes inaugurase a exposición “Reptigalia” co obxectivo de achegar o mundo natural de réptiles, insectos e artrópodos a Tui

Dende o vindeiro martes, 24 de xaneiro, a Oficina Municipal de Turismo situada na praza de San Fernando acollerá Reptigalia, unha exposición itinerante de réptiles, anfibios, artrópodos e insectos de todo o mundo.

Esta mostra está especialmente enfocada á divulgación da riqueza natural, xa haberá charlas e visitas guiadas para o alumnado de infantil, primaria e secundaria. Buscase fomentar nos rapaces e rapazas o respecto pola natureza a través do coñecemento e contacto directo cos animais. Na exposición os visitantes poderán ver dende escorpións a insectos pao pasando por tartarugas, tarántulas ou clamidosaurios.

Os centros educativos interesados en realizar unha visita guiada deben reservar hora no número de teléfono 665 860 440 ou no correo reptiatlantic@hotmail.com.

A exposición, de balde, está aberta de martes a xoves, de 10:00 a 16:00h e os venres e sábados de 10:00 a 19:00 horas.