O equipo de goberno do Concello de Tui reunirase cos veciños de todas as parroquias do municipio
6/02/2019
Esta semana reuniranse cos veciños de Malvas e Areas
O equipo de goberno do Concello de Tui organiza xuntanzas cos veciños das parroquias para coñecer de primeira man as súas necesidades. A primeira será este venres, día 8, as 20.30 no local do Sindicato de Malvas. O sábado, 9 de febreiro, a reunión será cos veciños de Areas, as 20.30h na Casa cultural de Areas.
Dende o Concello convidan a todos os interesados a asistir a estas xuntanzas para poder trasladar as súas dúbidas ou propostas tanto o alcalde como os concelleiros que conforman o equipo de goberno.