FIN DO PRAZO PARA SOLICITAR OS CURSOS DO PROGRAMA ACTÍVATE EN TUI
O Departamento de Servizos Sociais informa que o vindeiro 12 de xullo remata o prazo para presentar as solicitudes de participación nos cursos formativos concedidos ó Concello de Tui a través do programa “Actívate” 2011, da Deputación de Pontevedra.
Estes cursos, de 30 horas de duración, están dirixidos os mozos e mozas de 16 a 35 anos (ambos inclusive), tendo preferencia os que sexan demandantes de emprego. Tamén poderán cursar a súa solicitude dentro do prazo establecido aquelas persoas que non cumpran o requisito de idade, pasando a formar parte da lista de agarda que será utilizada no caso de que houbese prazas vacantes.
Estes cursos formativos pretenden potenciar a integración no mundo laboral dos mozos e mozas, acadar un maior enriquecemento cultural e persoal, fomentar a cultura, e facilitar a autonomía e o acceso ó mercado laboral de quen desexe orientar o seu futuro en relación con calquera das actividades ofertadas. Ademais de favorecer o traballo en equipo, fomentar as relacións e servir de punto de encontro entre eles.
Os cursos a realizar no Concello de Tui son:
- “Corte e confección” do 12 ó 23 de setembro, de 10:00 a 13:00
- “Coidado de persoas maiores no fogar” do 2 ó 15 de novembro, de 10:00 a 13:00