Documentos del Área

Convocatoria da sesión 6/2021 de pleno ordinario da corporación municipal de Tui a celebrar o xoves, 25 de novembro de 2021

“Mulleres. Coñecendo o seus dereitos e recursos” é o título da guía editada polo Concello de Tui en torno ao 25N. Foi financiada pola Deputación de Pontevedra dentro do programa Maruxa Mallo.

Aprobada inicialmente a ordenanza reguladora do estacionamento con horario limitado gratuíto (zona azul gratuíta) por acordo do Pleno de data 25 de novembro de 2021, queda exposto ó público xunto co texto da ordenanza que se insire a continuación, por un prazo de 30 días, a contar dende o día seguinte á publicación deste anuncio no Boletín Oficial da Provincia, aos efectos de que as persoas interesadas poidan presentar as alegacións que consideren oportunas, en cumprimento do disposto no artigo 49 da Lei 7/1985, de 2 de abril, reguladora das bases de réxime local.
Durante o devandito prazo poderá ser examinado polas persoas que teñan a condición de interesadas na páxina web do Concello de Tui e na súa sede electrónica:https://concellotui.sedelectronica.gal/board.

De presentarse reclamacións en prazo, resolveranse expresamente polo Pleno da Corporación. No caso de que non se tivese presentado ningunha reclamación ou suxestión, este acordo elevarase automaticamente a definitivo, entrando en vigor a ordenanza unha vez aprobada definitivamente e publicado o seu texto íntegro no Boletín Oficial da Provincia e transcorrido o prazo ao que se refiren os artigos 70.2 e 65.2 da Lei Reguladora das Bases do réxime Local.

Regulamento 1º San Silvestre Popular 2021 que se vai celebrar o venres, 31 de decembro de 2021. 

Solicitude programa Cuidando-Me

Calendario Eurocidade 2022 "Camiñando Xuntos"

Convocatoria sesión plenaria 1/2022 do xoves, 27 de xaneiro de 2022, ás 20 h 

O BOE do luns, 31 de xaneiro de 2022 publicou a "Resolución de 26 de enero de 2022, de la Secretaría General Técnica, por la que se publica el Convenio con el Ayuntamiento de Tui, para la incorporación de los Cuerpos de Policía Locales al Sistema de Seguimiento Integral de los casos de Violencia de Género"

Entrega Caldeiro Bioresiduos

AXUDAS PARA COMPRA DE VIVENDA NO CENTRO HISTÓRICO DE TUI 2022 
PERSOAS BENEFICIARIAS

• Persoas físicas maiores de idade, que adquiran unha vivenda construída (nova, usada ou que vaia ser obxecto de rehabilitación) no ámbito do Plan Especial de Protección Histórico-Artístico de Tui.

REQUISITOS XERAIS

• Ter subscrito con posterioridade ao 1 de xaneiro de 2022 un contrato privado ou, se é o caso, unha escritura pública de adquisición dunha vivenda.
• Estar empadroado na vivenda, ou en caso de rehabilitación, empadroarse no momento da finalización das obras.
• Ingresos anuais da unidade de convivencia: ata 6,5 veces o IPREM.
• Compromiso de que a vivenda vai constituír a súa residencia habitual e permanente por un prazo de, polo menos, cinco anos.
• A persoa solicitante e demais persoas da súa unidade de convivencia non poderán ser propietarias ou usufrutuarias doutra vivenda no territorio español. *
• O prezo de adquisición da vivenda será como máximo o previsto para as vivendas de protección autonómica de réxime concertado situadas na zona I do Decreto 402/2009, do 22 de outubro, computando unha superficie útil de 120 m2.

CONTÍA DAS AXUDAS **

• Menores de 35 anos, ata 12.800 €, como máx. o 20% do prezo da vivenda.
• Maiores de 35 anos, ata 10.800 €, como máx. o 20% do prezo da vivenda.
• En todo caso, en vivendas situadas no ámbito da Área Rexurbe de Tui, a contía será de 15.000 € por vivenda, como máximo o 20% do prezo da vivenda.

DOCUMENTACIÓN A PRESENTAR

• Anexo I, de solicitude.
• Anexo II, de declaración de composición da unidade de convivencia.
• Anexo III, de declaración da persoa solicitante e unidade de convivencia. En caso de non presentar a declaración de IRPF, acompañarase, en cada caso***:
• Certificado de retribucións e retención de empresas.
• Certificado de pensións ou prestacións.
• Escritura pública da adquisición da vivenda, ou contrato privado de adquisición de vivenda, no caso de non dispoñer da primeira.
• Informe técnico acreditativo de que a vivenda adquirida non é susceptible de ser habitada, sen acometer as pertinentes obras de rehabilitación.
• Certificado de empadroamento de todas as persoas empadroadas na vivenda, salvo que a vivenda sexa para rehabilitar.
• Certificado emitido polo concello de que a vivenda está situada no ámbito dun centro histórico.
• Certificado emitido polo concello de que a vivenda está situada no ámbito de Área Rexurbe.

SOLICITUDES, LUGAR E PRAZO DE PRESENTACIÓN

• En formato papel: Portelo Rexistro Concello Tui.
• Vía electrónica (https://sede.xunta.gal), no procedemento VI400A.
• Prazo de solicitude: Ata o 30/09/2022, ou esgotamento de crédito.
• Prazo de xustificación: Ata o 30/11/2022.

Resolución do 12 de xaneiro de 2022 pola que se convocan para o ano 2022 as axudas para a adquisición de vivenda nos centros históricos_ (DOG nº 19 do 28 de xaneiro de 2022).
* Exceptúase se se acredita non ter dispoñibilidade desa vivenda en propiedade.
** En caso de adquisición por máis dunha persoa, a axuda que pode recibir cada un deles determinarase aplicando a contía da axuda que lle correspondería no suposto de ter adquirido o 100% da vivenda a súa porcentaxe de cota adquirida. Cada unha das persoas deberá facer a súa correspondente solicitude.
*** Os datos fiscais que se terán en conta nesta convocatoria corresponderán ao exercicio económico 2020.

Convocado o Concurso para elixir o cartel anunciador das Festas de San Telmo 2022

Os días 15, 16 e 17 de marzo vaise realizar un curso de Enoturismo ao abeiro do proxecto Río Miño, Destino Navegable. 

Vai dirixido a guías de turismo e persoal das oficinas de información turística dos concellos de: Tui, Salvaterra, Monção e Valença, ata un máximo de 30 persoas. No caso de que haxa maior número de solicitudes que prazas, atenderase por estrita orde de inscrición.

O obxectivo do curso é coñecer as chaves fundamentais para o aproveitamento profesional do mundo do viño e aumentar as capacidades de comunicación enoturística con clientes nacionais e internacionais.

Dado que co último chamamento a lista resulta insuficiente por renuncia ao chamamento de todos os aspirantes, se inicia novo proceso para unha segunda ampliación da lista de reserva, unha rematada a mesma se unificarán os aspirantes das dúas listas de xeito que os aspirantes desta lista manteñan a posición actual, de xeito que os aspirantes que pasaron o final da lista estará o final da lista unificada.

O río Furnia é a xoia dos ríos galegos, a súa auga pura e cristalina, libre de contaminación, así o certifica. Baña as ribeiras das parroquias de Malvas e Pexegueiro do noso municipio e está ao alcance da man no Baixo Miño.

Por esta razón, este equipo de Goberno está realizando o traballo previo para redactar un proxecto que permita executar unha senda que transcorra pola ribeira do Furnia ao seu paso por Malvas e Pexegueiro, poñendo así en valor esa zona e toda a súa riqueza patrimonial.

Para isto, convocamos a unha reunión á veciñanza de Pexegueiro que sexa propietaria dalgunha parcela lindante coa marxe esquerda do Río Furnia no tramo correspondente ao seu paso por Pexegueiro, co fin de falar sobre o asunto e sobre as afeccións das parcelas.

Data: 6 de marzo 2022

Hora: 11:30 h

Lugar: Centro Cultural de Pexegueiro

Debido á importancia desta reunión para o futuro das parroquias de Malvas e Pexegueiro e en especial para os titulares das parcelas lindeiras coa marxe esquerda do Río Furnia, esperamos contar coa súa presenza.

Na reunión adoptaranse todas as medidas de prevención e contención da Covid-19 (uso de máscara en todo momento).