Tui ten unha clara vocación turística. A súa situación e os seus recursos naturais e patrimoniais constitúen un valor en alza. O conxunto histórico, o Camiño Portugués, o Parque Natural do Monte Aloia, o río Miño, a ruta xudía, a Eurocidade...son os eixos principais desta área. O Turismo amosase cada vez máis coma un dos principais recursos cos que contará Tui no futuro. A promoción é xa un eixo fundamental no desenvolvemento dun sector, que lentamente vai creando traballo e oportunidades na cidade. Unha tarefa na que todos deberemos implicarnos, por suposto o Concello como xestor pero tamén as empresas e os profesionais do sector.
A presenza da comunidade xudía e xudeoconversa en Tui deixou unha importante pegada na cidade que en boa parte se conserva ata os nosos días. Tui atesoura así un do patrimonios vinculados á cultura xudía mellor conservados de Galicia, con pezas únicas de gran valor coma son os Sambenitos, a casa de Salomón e a Menorá da Catedral.
O Concello de Tui, en colaboración coa Asociación de Comerciantes e Industriais de Tui, ACITUI, convoca por segundo ano consecutivo o Concurso de pintura “Pinta Tui” que se celebrará o domingo, 8 de outubro de 2017. O obxectivo do mesmo é promover e achegar a arte e a cultura aos visitantes e incentivar a dinamización da oferta turística e as actividades no concello.
O Concello de Tui, en colaboración coa Asociación de Comerciantes e Industriais de Tui, ACITUI, convoca por segundo ano consecutivo o Concurso de pintura “Pinta Tui” que se celebrará o domingo, 8 de outubro de 2017. O obxectivo do mesmo é promover e achegar a arte e a cultura aos visitantes e incentivar a dinamización da oferta turística e as actividades no concello.
O domingo 8 de outubro celebrarase o II Concurso de Pintura ao Aire Libre "Pinta Tui." Está organizado polo Concello de Tui, en colaboración coa Asociación de Comerciantes e Industriais de Tui, ACITUI.
Preto de 34 mil persoas pasaron este verán pola Oficina Municipal de Turismo de Tui. Estas son as cifras recollidas neste punto de información turística ao longo dos meses de xuño, xullo e agosto contabilizando tanto o número de turistas coma de peregrinos. Son preto de 2 mil persoas máis que no mesmo período de 2016.
Mañá mércores, 13 de setembro, ás 11h na sala de reunións do Concello de Tui terá lugar a presentación da I Andaina Camiño Portugués da Costa Caminha-Tui que se vai celebrar este sábado, 16 de setembro. Esta actividade está organizada pola Asociación Iacobus Tui, xunto ao Concello de Tui, e o Club Andatui Regodapedra,
A presentación correrá a cargo do alcalde de Tui, Enrique Cabaleiro, a presidenta da Asociación Iacobus Tui, Victoria Álvarez, e o presidente do Club Andatui Rego da Pedra, José Martínez Tato.
Esta mañá foi presentado na sala de reunións do Concello de Tui o roteiro “Aloia Máxico, Mítico e Lendario”, que forma parte dos Roteiros Literarios iniciativa do Servizo de Cultura e Lingua da Deputación de Pontevedra e da Asociación de Escritores e Escritoras en Lingua Galega.
Mañá martes, 12 de setembro, ás 11h na sala de reunións do Concello de Tui terá lugar a presentación dos Roteiros Literarios, unha iniciativa do Servizo de Cultura e Lingua da Deputación de Pontevedra e da AELG, Asociación de Escritores e Escritoras en Lingua Galega, que este sábado se vai celebrar Tui.
Esta mañá tivo lugar na sala de plenos do Concello de Tui a presentación da segunda edición do Festival Arraianos, que se vai celebrar esta fin de semana na cidade.
A presentación correu a cargo do tenente de alcalde do Concello de Tui, Miguel Ángel Capón, da concelleira de Ensino e Cultura, Mª José González, de Andrea Costa e Víctor Pérez Bugarín, da organización do Festival da Cultura Arraiana, e de dous representantes de Hípica Celta, Sergio Pérez e WaskarYoet Álvarez.
Mañá xoves, 7 de setembro, ás 12h na sala de plenos do Concello de Tui terá lugar a presentación do Festival Arraianos. Esta cita coa Idade Media chega a Tui por segundo ano os días 8, 9 e 10 de setembro.
O venres ás 21h dará comezo o festival cos apertura do Mercado Arraianos e ás 23h terá lugar o espectáculo inaugural na praza de San Fernando. As actividades sucederanse durante as xornadas do sábado e do domingo, cando terminará o festival co acto de clausura ás 21.30h na praza de San Fernando e o peche definitivo do Mercado Arraianos ás 23h.
