Xampatito Pato presenta este venres en Tui “Compaña”
O Teatro Municipal acolle ás 19 h este espectáculo para público familiar. As entradas están á venda en tui.gal aos prezos de 4 e 3 euros
O Teatro Municipal de Tui acolle este venres, 14 de febreiro, ás 19 h o espectáculo “Compaña” de Xampatito Pato. Esta obra para público familiar é a terceira proposta da programación do primeiro trimestre do ano neste espazo escénico.
“Compaña” é un espectáculo que fusiona o circo co mundo dos monicreques, creando imaxes e escenas que transportan ao espectador a un mundo surrealista e onírico.
Nela, un personaxe solitario en busca de compañía explora a súa imaxinación para dar vida a cada un dos seus pensamentos. A través da historia o personaxe principal consegue sentirse acompañado e leva ao público por un camiño cheo de sorpresas e risas.
O espectáculo, dirixido a público infantil, conta cunha duración de 50 minutos. As entradas están á venda en tui.gal aos prezos de 4€ e 3€.
Con “Compaña” Xampatito Pato volve a Tui onde estivera xa co seu anterior espectáculo “So”.