Tui homenaxeará a preto dun centenar de deportistas na súa Gala do Deporte
Será a décima edición deste evento que terá lugar mañá venres ás 20.30h no Teatro Municipal de Tui.
Logo do parón pola pandemia, Tui volverá a contar coa súa anual Gala do Deporte que permitirá homenaxear e recoñecer o labor de clubs, institucións e deportistas destacados da cidade. O evento, que terá lugar mañá venres ás 20.30h no Teatro Municipal de Tui, será se cabe aínda máis especial xa que esta gala será a décima edición.
Neste caso, farase un recoñecemento aos premiados deste ano 2022 e tamén do 2021 e 2020 co serán preto dun centenar as persoas as galardoadas.
En total ao longo destas dez edición son recoñecidos 106 deportistas galardoados, 43 honoríficos pola súa contribución ao deporte tudense e 139 os deportistas internacionais que recibiron unha distinción. Amais da tradicional entrega de premios, a gala contará coa actuación musical da Big Band, proxeccións de diversos vídeos homenaxe e máis sorpresas.