Tui contratará a 17 persoas ao abeiro da liña 3 do Plan Concellos
As persoas interesadas deben estar inscritas na Oficina de Emprego co código de ocupación correspondente a cada posto de traballo
O Concello de Tui vai contratar a 17 persoas a través da Liña 3 do Plan Concellos para a activación do emprego da Deputación.
En concreto será unha persoa auxiliar administrativa e 14 persoas coma peóns/peoas de horticultura e xardinería durante seis meses. Amais contratarase a unha persoa coma oficial/a de segunda carpinteiro, e a outra coma oficial/a de segunda fontaneiro, neste caso cunha duración do contratación de 9 meses e medio ou coma moito até o 31 de decembro deste ano.
As persoas interesadas deben estar inscritas na Oficina de Emprego co código correspondente a cada posto de traballo.
O alcalde de Tui, Enrique Cabaleiro, salienta coma grazas á liña 3 do Plan Concello poderanse reforzar distintos servizos municipais, ao tempo que as persoas que resulten seleccionadas poderanse incorporarán ao mercado laboral durante un período que oscilará entre os 6 e os 9 meses e medio segundo o posto.
A continuación figuran os códigos de ocupación correspondentes a cada posto:
- Auxiliar administrativo 43 091029 categoría 70
- Peóns/peoas horticultura e xardinería 95 121019 categoría 80
- Oficial/a segunda carpinteiro 71 311049 categoría 50
- Oficial/a segunda fontaneiro 72 211012 categoría 50