A tudense Susana Fontán Campiona de España de Tiro das Forzas Armadas
11/06/2014
Mércores, 11 de xuño. A tudense Susana Fontán proclamouse, a pasada fin de semana, Campiona de España de Tiro das Forzas Armadas, por quinta vez na súa carreira deportiva.
O campionato celebrouse no centro especializado de alto rendemento “Juan Carlos I”, pertencente á Real Federación Española de Tiro, situado nas Gabias (Granada), onde a cabo do Exército de Terra Susana Fontán Verde, na categoría feminina, resultou gañadora na modalidade de arma larga.
O Concello de Tui felicita á tudense Susana Fontán Verde pola consecución deste quinto campionato de España de tiro.