Pronóstico de Tutiempo.net
Facebook Twitter Vimeo Instagram Youtube

A Red de Juderías promove o xogo participativo “Busca la llave del diálogo/Busca a chave do diálogo” no mes de setembro

7/09/2021

Tui forma parte deste xogo para escribir unha historia en cadea. Haberá tres probas en cada cidade para recibir a chave de Sefarad e participar en sorteos de estadías

As cidades da Rede de Xudarías celebran, dende o 3 até o 30 de setembro, a actividade participativa e gratuíta “Busca la llave del Diálogo / Busca a chave do diálogo”.

Mediante un xogo, os visitantes terán que desprazarse consecutivamente a tres puntos da xudaría de cada cidade, neste caso a de Tui, no marco dunha iniciativa con motivo da celebración dunha nova edición da Xornada Europea da Cultura Xudía.

En concreto, o xogo convídanos a desprazarnos por tres puntos da xudaría da nosa cidade: Sinagoga – Porta da Pía (1), Convento das Clarisas (2) e rúa Entrefornos (3). Pódese acceder a eles pola localización do móbil ou polos carteis localizados en cada punto. En cada localización unha actividade acercaranos á temática da xornada Europea da Cultura Xudía 2021: Diálogos.  

Visualizar un vídeo, escribir un parágrafo dunha historia en cadea ou decidir que tipo de diálogo abriría daranos a posibilidade de conseguir a famosa chave de Sefarad. Ao concluír as tres probas é necesario pasar pola Oficina Municipal de Turismo (4) (Praza de San Fernando) a recoller a túa chave.

Ademais, a Red de Juderías publicará as diferentes historias en cadea escritas por todos os participantes en cada cidade no enderezo electrónico https://redjuderias.org/juega

Con esta iniciativa preténdese desafiar aos visitantes para que atopen os tres puntos ocultos en cada xudaría e participen na primeira historia en cadea sobre Sefarad.