Facebook Twitter Vimeo Instagram Youtube

A Red de Juderías promove o programa educativo “Benjamín de Sefarad” para o alumnado de 6º de Primaria e 1º da ESO

21/04/2021

O CEIP de Pazos de Reis é un dos centros participantes nesta iniciativa

A Rede de Juderías promove, un ano máis, o Programa Educativo “Benjamín de Sefarad” para dar a coñecer entre os e as estudantes o legado xudeu das cidades que forman parte da Rede de Juderías de España. Esta actividade vai dirixida ao alumnado de 6º de Primaria e de 1º da ESO de toda España convite de converterse en “Descubridores de Sefarad” dun modo ameno e moi divertido. Tamén se lles convida a participar na terceira edición do Concurso de Micro-relatos da Red. A temática do concurso é a “Viaxes sefardíes”, e pretenderá que os alumnos e as alumnas reflexionen sobre as diferentes motivacións das viaxes, desde o lecer, ao comercio pero tamén o exilio e a fuxida.

O CEIP de Pazos de Reis sumouse a este programa educativo e abre así a participación por vez primeira dos centros educativos tudenses nesta proposta que impulsa a Red de Juderías de España – Caminos de Sefarad á que pertence o Concello de Tui dende marzo de 2019.

Na edición do ano pasado, máis de 500 escolares de toda España participaron no xogo de preguntas e respostas online Pequenos Descubridores. Recibiron máis de 200 relatos ao II Concurso de Microrrelatos, entre os que houbo fabulosos premios e 25 foron seleccionados para edición dun libro que se pode ler na web da Red de Juderías.

Este ano, segundo informa o Concelleiro de Patrimonio, Laureano Alonso, valémonos da paixón dos nosos mozose mozas polas viaxes para axudarlles a descubrir máis sobre a influencia da cultura xudía nos nosos días. A través de fabulosos materiais propómoslles reflexionar sobre as viaxes do mundo xudeu e sobre as diferentes motivacións que pode levar ao ser humano a emprender unha longa viaxe. O programa que consta dun vídeo educativo, unha exposición virtual e un caderno de traballo con preguntas e respostas, está dirixido a alumnos de 6º de Primaria e 1º da ESO. Os interesados en recibir mais información sobre este programa e como poden levalo a cabo no seu centro, deben poñerse en contacto a través da conta de correo electrónico descubridores@redjuderias.org

Ademais, e por terceiro ano consecutivo, calquera alumno de 6º de Primaria ou de 1º curso da ESO que o desexe poderá participar no III Concurso de Microrrelatos da Rede de Xudarías de España que outorga fabulosos premios en viaxes. Os textos deberán ser inéditos e estar escritos en castelán, catalán, euskera ou galego e a extensión máxima será de 350 palabras (sen contar o título). O prazo para enviar os relatos está aberto ata o 15 de maio de 2021.

Consultar máis información e bases.