Recepción do Concello de Tui a Borja Núñez Martínez, Campión do Mundo Sub19 de Remo Olímpico
O tudense acadou a medalla de ouro no Campionato do Mundo de Remo Olímpico Sub19 na localidade búlgara de Plovdiv
O Concello de Tui realizará mañá mércores 12, ás 13.00 horas, no salón de plenos do Concello de Tui, a recepción oficial ao remeiro do Club Remo do Miño, Borja Núñez Martínez, que se proclamou esta pasada fin de semana, Campión do Mundo Sub19 de remo olímpico en Plovdiv (Bulgaria), na modalidade catro sen temoeiro, xunto aos andaluces Juan Jesús Ortega (Club Náutico de Sevilla), Robert Privistirescu (Club Tiempo Libre El Ejido) e Manuel Cruz (Real Círculo de Labradores).
Na mesma estarán presentes o alcalde de Tui, Enrique Cabaleiro, o concelleiro de Deportes, Rafael Estévez, os presidentes da Federación Española e Galega de Remo, Miguel Ángel Millán e José Luís Méndez, o presidente do Club Remo do Miño, Manuel Ángel González, acompañados por outros concelleiros e concelleiras de Tui, así como por deportistas e integrantes da xunta directiva do Club Remo do Miño.