Próxima proxección do Cineforum: 22 de febreiro as 18.30 hs "Soño dunha noite de San Xoan"
Próxima proxección do Cineforum: 22 de febreiro as 18.30 hs Soño dunha noite de San Xoan (Animación)
O próximo 22 de febreiro, último martes de mes, proxectarase no Telecentro da Area Panorámica, no CEIP de Rebordáns, CEIP de Randufe e nas aulas do CRA Mestra Clara Torres, de forma simúltanea as 18.30 hs, a película de animación: Soño dunha noite de San Xoan. Unha fermosísima e divertídisma película que ten acadado numerosos premios e recoñocemento.
A Concelleira de Educación Patricia Ricón anima os rapaces a asistir as proxeccións nos propios centros escolares ademais do Telecentro, como forma de apertura dos mesmos as diferentes parroquias, e esperando que alí coincidan cos compañeiros de aula.
SINOPSE E FICHA TÉCNICA
Soño dunha noite de San Xoan
Ficha Técnica
Produción: Dygra Films (España), Appia Films (Portugal)
Directores: Ángel de la Cruz, Manolo Gómez
Produción executiva: Manuel Cristóbal
Xefe de produción: Xosé Francisco Barba
Guión: Ángel de la Cruz, Beatriz Iso, sobre a obra Sueño de una noche de verano, de William Shakespeare
Música: Sergio Pena, Arturo Kress
Fotografía: Alejandro Bálsamo
Director de Arte: Alberto Taracido
Axudante de dirección: Juan Carlos Pena
Director de animación: Julio Díaz
Cor
98 minutos
Sinopse: Din as lendas que unha noite ó ano, polo San Xoán, os humanos poden acceder ó Mundo Máxico. Elena, intelixente pero pouco soñadora, non cre en contos. Así a todo, cando cae enfermo seu pai, o duque Teseo, ela está disposta a calquera cousa para lle devolver a ilusión. Mesmo ir na procura de Titania, raíña das fadas. Non obstante, o Mundo Máxico xa non é o que era, polo mal xeito de gobernar do rei Oberón, quen comercia cos feitizos axudado polo trasno Perecho.