Presentación do Campionato de España de Radiocontrol Térmico

O próximo luns, 1 de setembro, ás 11.30 h, na rúa Olímpicos Tudenses, ao carón das instalacións de piragüismo e remo de Tui, terá lugar a presentación do Campionato de España de Radiocontrol Térmico. Esta proba, organizada pola Real Federación Galega de Motonáutica, en colaboración co Concello de Tui e a Comandancia Naval do Miño, celebrarase o sábado 6 e o domingo 7 de setembro, no río Miño ao seu paso por Tui.

Participarán na presentación o alcalde de Tui, Enrique Cabaleiro, o concelleiro de Deportes de Tui, Rafael Estévez, o xefe do servizo de Deportes da Xunta de Galicia en Pontevedra, Daniel Benavides, o presidente da Real Federación Galega de Motonáutica, Carlos Gago, e o vocal da federación, Carlos Estévez.