Pronóstico de Tutiempo.net
Facebook Twitter Vimeo Instagram Youtube

A Policía Local de Tui recibe unha nova motocicleta con cargo ao Plan Concellos 2017

16/10/2017

O vehículo sumarase á outra moto coa que xa contan os axentes locais

Esta mañá a Policía Local de Tui recibiu unha nova motocicleta nas súas oficinas na praza da Inmaculada. Trátase dun novo vehículo financiado con cargo ao Plan Concellos 2017 da Deputación de Pontevedra.

Na recepción estiveron presentes o alcalde de Tui, Enrique Cabaleiro, e o concelleiro de Persoal e Seguridade, José Ramón Magán, xunto ao xefe da Policía Local, José Ramírez e un representante de Ángel Leirós Motos, o concesionario de Yamaha para a provincia de Pontevedra no que foi adquirido o novo vehículo.

Trátase dunha Yamaha Tracer 700 e a elección fíxose pensando en dar servizo a todas as áreas do municipio e tendo en conta a variedade de terreos que se poden atopar os axentes á hora de patrullar.