Permanece aberta a inscrición para o Gran Xogo das Letras Galegas
11/05/2016
Celebrarase o martes, 17 de maio, ás 16h no Paseo da Corredoira
Permanece aberta a inscrición para a actividade o ‘’Gran xogo sobre o Día das Letras Galegas’’ que se vai celebrar o próximo martes, 17 de maio, co gallo do Día das Letras Galegas.
Esta cita cambia de hora e lugar con respecto ao inicialmente prevista. Será de 16 a 17.30h no Paseo da Corredoira. Será realizada por Eduvía e na mesma os nenos, dende os 6 anos, deberán superar probas relacionadas co Día das Letras Galegas para acadar o premio final. Establécese un máximo de 25 participantes.
Os interesados pódense na Biblioteca Municipal de Tui, en horario de luns a venres 9.30h a 13.30h e de 16 a 20.30h, no correo electrónico en biblioteca@concellotui.org ou no teléfono no 617 49 81 03.