O Tui Fidalgo e o Tui Escolar novas propostas das visitas guiadas gratuítas organizadas polo Concello
As visitas guiadas gratuítas organizadas polo Concello de Tui ofertarán percorridos especiais dende o sábado 3 ao domingo 11 de decembro con novas propostas que se suman as que se veñen realizando dende o mes de xuño. Entre as novidades están as rutas polo Tui Fidalgo, o Tui Escolar e a Igrexa de San Bartolomeu de Rebordáns.
O obxectivo destas visitas guiadas é dar a coñecer ou redescubrir tanto polos tudenses coma por visitantes o patrimonio que atesoura o conxunto histórico de Tui. As rutas parten sempre da Praza da Inmaculada e teñen unha duración aproximada dunha hora. Son guiadas polo historiador tudense Suso Vila.
A ruta polo Tui Escolar propón un percorrido polos edificios orixinais de escolas de primaria e de secundaria que conserva a cidade dende século XVI, de cando data o Colexio dos nenos da doutrina ubicado na rúa San Telmo, ata os colexios de primaria que había no século XIX coma os situados na rúa Sanz no edificio da parroquia e no inmoble que hoxe ocupa o Espazo Xove, ata o século XX coma o parvulario da praza da Misericordia ou o situado na Praza do Concello. As visitas ao Tui Escolar serán o sábado 3 e o sábado 10 ás 19h.
Outra das novidades será a ruta polo Tui Fildalgo, cun percorrido polos edificios do século XVI e XVII que representan a nova tipoloxía de vivenda xurdida a raíz do cambio social que houbo na cidade. Visitaranse casas blasonadas e darase conta tamén do contexto histórico dunha cidade en recuperación cun comercio internacional moi importante.
Tamén coma novidade figuran as visitas á igrexa románica de San Bartolomeu de Rebordáns, dos século XI e XII que se realizarán o luns 5, mércores 7 e venres 9 ás 12h.
Mantéñense os percorridos polos Tui Xudeu que se realizarán o domingo 4 e o domingo 11 ás 13h, e ao Tui Medieval o martes 6 e o xoves 8 ás 19h; e á igrexa de San Domingos cos retablos barrocos o domingo 4 e o domingo 11 ás 19h.
Calendario de visitas guiadas gratuítas do 3 ao 11 de decembro
-
Sábado 3 ás 19h Tui Escolar
-
Domingo 4
o
Ás 13h Tui Xudeu
o
Ás 19h San Domingos
-
Luns 5
o
ÁS 12h San Bartolomeu
o
ÁS 18h Tui Fidalgo
-
Martes 6 ás 19h Tui medieval
-
Mércores 7
o
Ás 12h San Bartolomeu
o
Ás 18h Tui Fidalgo
-
Xoves 8 ás 19h Tui medieval
-
Venres 9
o
Ás 12h San Bartolomeu
o
Ás 18h Tui Fidalgo
-
Sábado 10 ás 19h Tui Escolar
-
Domingo 11
o
ÁS 13h Tui Xudeu
o
Ás 19h San Domingos