O Concello de Tui recibirá 49.891,45€ para a redacción de proxectos ao abeiro da Rede Ágora
O Concello de Tui vai recibir 49.891,45€ ao abeiro da convocatoria de subvencións para redacción de proxectos de recuperación de espazos públicos e creación de sendas peonís e/ou ciclables nos concellos da Rede Ágora por parte da Deputación de Pontevedra. Os proxectos terán coma obxectivo distintos espazos públicos en Pazos de Reis, Baldráns, Caldelas, e a rúa A Barca.
En concreto vaise proceder a redacción dun proxecto para o acondicionamento da contorna da igrexa o Sagrario de Pazos de Reis que suporá un investimento de 11.826,54 € dos que a Deputación a través da Rede Ágora aportará 10.643,89 €.
Por outra parte investiranse 7.166,83 € na redacción do proxecto de reforma da rúa en A Gula, parroquia Randufe dos que 6.450,15 € serán aportados pola institución provincial.
Tamén se procederá á redacción do proxecto para o acondicionamento da contorna da igrexa de Santiago de Baldráns, do que a Deputación aportará 10.231,16€ do investimento previsto de 11.367,95 €.
Ao abeiro desta convocatoria o Concello de Tui recibirá tamén 14.149,33€ para a redacción do proxecto de acondicionamento da contorna do balneario de Caldelas, que conlevará un investimento de 15.721,53 €.
Por último outra das actuacións financiadas será a redacción do proxecto de acondicionamento da rúa da Barca, no Camiño Portugués de Santiago, que conlevará un investimento 9.352,09 € dos que 8.416,88 € serán aportados pola Deputación de Pontevedra.