O Concello de Tui convoca unha reunión para coordinar a axuda ás persoas damnificadas pola Dana
Realizarase en colaboración con organismos oficiais e organizacións non gubernamentais que traballan na zona afectada
O Concello de Tui celebrará o próximo luns, ás 19 h, unha reunión na casa do Concello para abordar as posibles iniciativas de axuda ás persoas damnificadas polas inundacións provocadas pola Dana. Á mesma están convocados os voceiros dos partidos políticos presentes na corporación municipal, representantes de Servizos Sociais, Protección Civil, SOS Tomiño Baixo Miño, e das asociacións que están traballando xa na zona afectada.
A finalidade da reunión é coordinar as distintas liñas de axuda, sempre en coordinación cos organismos oficiais e organizacións non gubernamentais que están traballando sobre o terreo.
Dende o Concello de Tui faise fincapé no que feito de que calquera veciño ouveciña que desexe achegar a súa colaboración o faga sempre dentro das canles oficiais que se habiliten, coa finalidade de que os distintos tipos de axuda poidan chegar de xeito efectivo ás persoas afectadas cando o precisen.
Por outra parte está convocada unha reunión da Mancomunidade do Baixo Miño para o próximo martes, 5 de novembro, ás 11 h na casa do concello de Tomiño co mesmo obxectivo de coordinar a axuda á axuda ás persoas damnificadas pola Dana.